جاپونيادا ميكاسا حانزادا 101 جاسىندا دۇنيە سالدى

استانا. قازاقپارات - جاپونيا يمپەراتورى اكيحيتونىڭ نەمەرە اعاسى، ميكاسا حانزادا 101 جاسىندا دۇنيەدەن ءوتتى، دەپ حابارلادى كيودو اگەنتتىگى.

2012-جىلى ميكاسا حانزادانىڭ جۇرەگىنە وتا جاسالدى. ميكاسا حانزادا 1915-جىلى 2- جەلتوقساندا تۋعان جانە ول تايسە ءداۋىرى يمپەراتورىنىڭ ءتورتىنشى ۇلى بولدى. ونىڭ اعاسى حيروحيتو سەۆا داۋىرىندە (1926-جىلدىڭ 25- جەلتوقسانىنان 1989-جىلدىڭ 7- قاڭتارىنا دەيىن) جاپونيانى باسقاردى.

حانزادا مەن ونىڭ جۇبايى يۋريكو ءۇش ۇل مەن ەكى قىز ءوسىردى. ميكاسا شىعىس تاريحى مامانى جانە جاپونيا تاياۋ شىعىس مادەنيەتى ورتالىعى مەن «جاپونيا-تۇركيا» قوعامىنىڭ قۇرمەتتى پرەزيدەنتى رەتىندە تانىمال. ميكاسا حانزادا جاپون يمپەراتورلارىنىڭ حريزانتەما تاعىنا ۇمىتكەرلەر اراسىندا بەسىنشى ورىندا بولعان.