سۋ تاسقىنى قاۋپى بار 1010 ەلدى مەكەن بار
ت ج م باسشىسى يۋري يلينمەن جانە اقتوبە وبلىسىنىڭ اكىمى و. ورازالينمەن، پاۆلودار وبلىسىنىڭ اكىمى ءا. سقاقوۆپەن، باتىس قازاقستان وبلىسىنىڭ اكىمى ع. ەسقاليەۆپەن جانە سولتۇستىك قازاقستان وبلىسىنىڭ اكىمى ق. اقساقالوۆپەن تەلەفون ارقىلى سويلەستى.
مينيستر مەن ءوڭىر باسشىلارى ەلدەگى سۋ تاسقىنى جاعدايى تۋرالى باياندادى. ت ج م باسشىسىنىڭ حابارلاۋىنشا، بۇگىندە قازاقستاندا 227 ەلدى مەكەن قاۋىپتى ايماقتا تۇر. سۋ باسۋعا ءۇش نارسە سەبەپ بولدى. بۇل - قاردى ۋاقىتىلى شىعارماۋ، تازارتىلماعان ارىقتار مەن ەرىگەن سۋلار. قازىرگى تاڭدا سۋ باسۋ قاۋپى ەلىمىزدىڭ سولتۇستىك جانە باتىس وڭىرلەرىندە ساقتالىپ وتىر.
ەلدى مەكەندەردى سۋ تاسقىنىنان قورعاۋ ماقساتىندا 2017 -جىلى 2021-2023 -جىلدارعا ارنالعان سۋ تاسقىنىنا قارسى ءىس-شارالاردىڭ جول كارتاسى ازىرلەنىپ، بەكىتىلدى.
جول كارتاسى اياسىندا 2021 -جىلى جۇزەگە اسىرۋ جوسپارلانعان 68 ءىس- شارانىڭ 33 ى ورىندالدى جانە 4 ى مەرزىمىنەن بۇرىن ورىندالدى. جالپى ەلىمىز بويىنشا سۋ تاسقىنى قاۋپى بار 1010 ەلدى مەكەننىڭ 285-ىندە سۋ باسۋ قاۋپى ساقتالىپ وتىر. بۇل ورايدا 340 ەلدى مەكەندى سۋ باسۋ قاۋپى جويىلىپ، 385 ەلدى مەكەندە سەيىلدى.
بيىلعى 31-ناۋرىزداعى جاعداي بويىنشا قار جامىلعىسىنىڭ اۋدانى %47 دى قۇرايدى. بيىل جىلىنۋدىڭ ءبىرىنشى تولقىنى بارىسىندا ش ق و، ب ق و، اتىراۋ وبلىستارىندا اۆتوموبيل جولدارىنىڭ 3 ۋچاسكەسىن سۋ باسۋ جاعدايلارى تىركەلدى. قالىڭ قاردىڭ ەرۋىنە بايلانىستى بولعان ەكىنشى تولقىننىڭ سالدارىنان پاۆلودار وبلىسىنىڭ روجدەستۆەنكا اۋىلىنداعى ەكى تۇرعىن ءۇي، باتىس قازاقستان وبلىسىنىڭ شالعىن اۋىلىنداعى 25 ءۇي مەن 2 الەۋمەتتىك نىسان (قوسكول كەنتىنىڭ حالقى ەۆاكۋاتسيالاندى) ەرىگەن قار سۋىنىڭ استىندا قالدى، اقتوبە جانە باتىس قازاقستان وبلىستارىنداعى 3 اۆتوموبيل جولى ۋچاسكەلەرىن سۋ شايىپ كەتتى.
ءوز كەزەگىندە ءوڭىر اكىمدەرى سۋ باسقان اۋماقتاردى قالپىنا كەلتىرۋ بويىنشا قابىلدانىپ جاتقان شارالار تۋرالى باياندادى. ق ر پرەمەر-ءمينيسترى جول كارتاسىن ىسكە اسىرۋدى جەدەلدەتۋدى، كەلىپ تۇسكەن شاعىمدارعا جەدەل ارەكەت ەتۋدى، سۋ باسۋ قاۋىپتەرىن جويۋدى تاپسىردى. سونداي-اق ازاماتتاردىڭ قاۋىپسىزدىگىن قامتاماسىز ەتۋ ءۇشىن بارلىق شارالاردى جۇزەگە اسىرۋعا ەرەكشە نازار اۋدارۋ قاجەت. ءوڭىر باسشىلارى بۇل ماسەلەنى ەرەكشە باقىلاۋعا الۋى ءتيىس.
ەستەرىڭىزگە سالا كەتەيىك، بيىلعى 22-اقپاندا ۇكىمەت وتىرىسىندا ورتالىق جانە جەرگىلىكتى اتقارۋشى ورگانداردىڭ سۋ تاسقىنى كەزەڭىنە دايىندىق شارالارى قارالدى. ق ر پرەمەر-ءمينيسترى ءا. سمايىلوۆ اكىمدىكتەرگە قاردى، اسىرەسە، اۋىلدىق ەلدى مەكەندەردەن شىعارۋ، ارىقتاردى، نوسەر كارىزدەرىن تازارتۋ، ۋاقىتشا بوگەتتەر سالۋ جۇمىستارىن ۋاقىتىلى جۇرگىزۋ تۋرالى تاپسىرما بەردى.
