22:40, 02 - مامىر 2023 | GMT +5
كەنيادا 100 دەن استام ادام سەكتا قۇربانى بولدى
استانا. قازاقپارات - كەنيادا كوپ تاماق ىشپەۋگە ۇگىتتەيتىن سەكتا قۇرباندارىنىڭ سانى 100 ادامنان استى. مەرزىمىنەن بۇرىن قايتىس بولعانداردىڭ اراسىندا بالالار كوپ.
«قىزىل كرەست» ۇيىمى تاعى 300 دەن استام كىسىنىڭ حابار- وشارسىز جوعالىپ كەتكەنىن ايتادى. سوندىقتان قازا تاپقاندار قاتارى ءالى دە ءوسۋى مۇمكىن. اتالعان سەكتانىڭ كوسەمى «يسامەن جۇماقتا كەزدەسۋ» ءۇشىن اس- سۋدان باس تارتۋعا ۇگىتتەگەن. ول قازىر قاماۋدا. سوت ءىسى بۇگىن باستالۋى كەرەك. وسى ساتكە دەيىن 44 ادام قۇتقارىلعان. كەنيانىڭ ىشكى ىستەر ءمينيسترى بۇل وقيعانى «جاپپاي كىسى ءولتىرۋ» دەپ باعالادى.
www.24.kz
