اي سايىن 100 مىڭ تەڭگە. قانداستارعا بولىنەتىن كۆوتا مەن جاردەماقى كوبەيدى

استانا. قازاقپارات – ەڭبەك جانە حالىقتى الەۋمەتتىك قورعاۋ ءمينيسترىنىڭ بۇيرىعىمەن قانداستار مەن قونىس اۋدارۋشىلارعا 2023 -جىلى 8652 ادامعا وڭىرلىك كۆوتا بەلگىلەندى، بۇل 2022 -جىلمەن سالىستىرعاندا 566 ادامعا جوعارى، دەپ حابارلايدى El.kz اقپارات اگەنتتىگى.

بۇيرىقتىڭ ماقساتى ق ر ۇكىمەتى ايقىندايتىن وڭىرلەردە قانداستار مەن قونىس اۋدارۋشىلاردى وڭتايلى قونىستاندىرۋ. 2023 -جىلعى كۆوتا كەلەسىدەي ءبولىندى:

- قانداستار ءۇشىن: سولتۇستىك قازاقستان وبلىسى بويىنشا - 138 ادام، قوستاناي وبلىسى بويىنشا – 150، اباي وبلىسى بويىنشا – 196، شىعىس قازاقستان وبلىسى بويىنشا – 239، اقمولا وبلىسى بويىنشا – 270، پاۆلودار وبلىسى بويىنشا - 932 ادام؛

- قونىس اۋدارۋشىلار ءۇشىن: قاراعاندى وبلىسى بويىنشا - 33 ادام، ۇلىتاۋ وبلىسى بويىنشا – 120، اباي وبلىسى بويىنشا – 238، شىعىس قازاقستان وبلىسى بويىنشا – 305، قوستاناي وبلىسى بويىنشا – 530، سولتۇستىك قازاقستان وبلىسى بويىنشا - 2660، پاۆلودار وبلىسى بويىنشا - 2841 ادام.

قانداستار مەن قونىس اۋدارۋشىلاردى قولداۋ ءۇشىن قوسىمشا سۋبسيديا تۇرىندە كومەك بەرۋ قاراستىرىلعان:

- كوشۋگە - وتباسىنىڭ ءاربىر مۇشەسىنە 70 ا ە ك (241,5 مىڭ تەڭگە) كولەمىندە ءبىرجولعى تولەم؛

- ءبىر وتباسىنا 12 اي ىشىندە تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەرگە اقى تولەۋ بويىنشا شىعىستاردى جابۋ ءۇشىن 15 تەن 30 ا ە ك-كە دەيىن (51,7-دەن 103,5 مىڭ تەڭگەگە دەيىن) تولەنەدى.

ەستەرىڭىزگە سالا كەتەيىك، 1991 -جىلدان باستاپ 2023 -جىلدىڭ 1-قاڭتارىنا دەيىن 1 ميلليون 107 مىڭ ەتنيكالىق قازاق تاريحي وتانىنا ورالدى. بىلتىر 19178 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى.