13:16, 09 - ءساۋىر 2023 | GMT +5
كۇزدە ومىرگە كەلگەندەردىڭ 100 جاساۋعا مۇمكىنشىلىكتەرى مول
استانا. قازاقپارات - قىركۇيەك پەن قاراشا ايلارىندا دۇنيەگە كەلگەن بالالاردىڭ باسقا ايدا ومىرگە كەلگەندەرگە قاراعاندا 100 جاساۋعا مۇمكىنشىلىكتەرى مول.
سان-فرانسيسكودا وتكەن امەريكاندىق دەموگرافيالىق قوعامنىڭ جىل سايىنعى سيەزىندە چيكاگو ۋنيۆەرسيتەتىنىڭ عالىمدارى لەونيد پەن ناتاليا گاۆريلوۆ ۇسىنعان جۇمىس وسى تاقىرىپتاعى بۇعان دەيىنگى زەرتتەۋلەردىڭ ناتيجەلەرىن قۋاتتاي ءتۇستى، دەپ حابارلايدى New Scientist.
اۆتورلار قىركۇيەك، قازان جانە قاراشا ايلارىندا دۇنيەگە كەلگەندەردىڭ ۇزاق ءومىر ءسۇرۋ فەنومەنىن تۇىندىرەتىن بىرنەشە گيپوتەزا ۇسىنادى. ولاردىڭ بىرىنە سايكەس، كۇزدە دۇنيەگە كەلگەن نارەستەدە ماۋسىمدىق، ءبىرىنشى كەزەكتە جازعى جۇقپالى اۋرۋلاردى جۇقتىرۋ تاۋەكەلى بارىنشا از بولادى. ويتكەنى بۇل اۋرۋلار ادەتتە ادام دەنساۋلىعىنا ۇزاق ۋاقىت بويى تەرىس ىقپال ەتەدى.
