شەتەلدىك كولىكتى زاڭداستىرۋدىڭ ءبىرىنشى كۇنى 100 ادام جاڭا ءنومىر مەن قۇجات الدى

None
استانا. قازاقپارات – 23- قاڭتاردا ەلدە شەتەلدىك اۆتوكولىكتەردى زاڭداستىرۋ ناۋقانى باستالدى. ساعات 18:00 دەگى اقپاراتقا سايكەس 2000 نان استام ءوتىنىم ماقۇلدانعان، ونىڭ ىشىندە 100 ادام ءتيىستى قۇجاتىن الدى، دەپ حابارلايدى Polisia.kz.

- قۇجاتتارى تولىق ازاماتتار مەملەكەتتىك نومىرلىك بەلگىلەرىن الىپ، ءوز كولىكتەرىن ءساتتى زاڭداستىرۋدا، - دەپ حابارلادى ءى ءى م.

ازاماتتارعا ح ق و- لاردا ماماندار كومەكتەسىپ جاتىر. مۇندا كەڭەس الىپ، بازالار بويىنشا قۇجاتتاردى تەكسەرۋگە مۇمكىندىك بار.

ءاربىر ءوتىنىم جەكە قارالادى. قوسىمشا سۇراقتار تۋىنداعان اۆتوكولىك يەلەرىنە قاجەتتى ۇسىنىستار بەرىلەدى.

حالىققا قىزمەت كورسەتۋ ورتالىقتارى ساعات 22:00 گە دەيىن جۇمىس ىستەيدى.

ەستەرىڭىزگە سالا كەتەيىك، زاڭداستىرۋعا ءوتىنىمدى e-gov.kz ەلەكتروندىق ۇكىمەت پورتالى، ەكىنشى دەڭگەيلى بانكتەردىڭ قوسىمشاسى، حالىققا قىزمەت كورسەتۋ ورتالىقتارى ارقىلى بەرۋگە بولادى.

ەرەجە بويىنشا اۆتوكولىك قازاقستانعا 2022-جىلدىڭ 1- قىركۇيەگىنە دەيىن اكەلىنگەن بولۋى كەرەك، قىلمىستىق ەسەپتە بولماۋى ءتيىس، باسقا مەملەكەتتە بۇرىنعى تىركەلگەن جەرى بويىنشا ەسەپتەن شىعارىلۋى قاجەت.

سونداي-اق ەۋرازيالىق ەكونوميكالىق وداققا كىرمەيتىن ەلدەردەن اكەلىنگەن اۆتوكولىك كەدەندىك تازارتۋدان ءوتۋى ءتيىس.

ەگەر اۆتوكولىك زاڭداستىرۋعا جاتاتىن بولسا، وندا العاشقى تىركەۋ ءۇشىن مەملەكەتتىك الىمدى، مەملەكەتتىك نومىرگە تولەم مەن تەحپاسپورت ءۇشىن مەملەكەتتىك باج تولەۋ قاجەت.

زاڭداستىرۋ 2023-جىلدىڭ 1- شىلدەسىنە دەيىن جالعاسادى.

سوڭعى جاڭالىقتار