شىعىس قازاقستاندا ءبىر جىلدا 100 دەن استام كولىك ورتەندى

None
وسكەمەن. قازاقپارات - شىعىس قازاقستان وبلىسىندا ءبىر جىلدا 100 دەن استام كولىك ورتەندى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 2022 -جىلى ءوڭىر بويىنشا 100 دەن استام كولىك وتقا ورانعان. وسى جىلدىڭ باسىنان بەرى ءۇش اۆتوكولىك ورتەندى.

«كولىك ورتتەرىنىڭ %90 ى ەلەكتر سىمدارىنىڭ قىسقا تۇيىقتالۋىنان شىققان. سونداي-اق ەلەكتر جابدىقتارىنىڭ جاعدايىنا بايلانىستى، كولىككە قۇيىلاتىن سۇيىقتىقتاردىڭ اسەرىنەن جالىن شىعىپ جاتادى. كۇن سايىن اۆتوكولىكتىڭ بولشەكتەرىن، اسىرەسە قوزعالتقىش بولىگىن مۇقيات تەكسەرىپ تۇرۋ كەرەك»، - دەلىنگەن اقپاراتتا.

ەگەر ءبىر جەردەن ازداپ ماي اعىپ كەتسە، جانارمايدىڭ ءيىسى سەزىلسە، بۇل ماي نەمەسە وتىن قۇبىرىنىڭ زاقىمدانعانىنىڭ بەلگىسى بولۋى مۇمكىن.

بۇدان بولەك، اۆتوكولىك دوڭگەلەگىنىڭ ديسكىسىنە نەمەسە كورپۋسىنا ارنايى جارىقتاندىرعىشتى، ءساندى قوسىمشا ەلەكتر جابدىقتارىن، ءار ءتۇرلى انتيرادارلار ورناتۋ - كولىك ورتەنۋىنە اكەلىپ سوعۋى ىقتيمال.

سوڭعى جاڭالىقتار