قاراعاندىدا 100 دەن استام كوندۋكتور جۇمىسسىز قالدى
قاراعاندى. قازاقپارات - قاراعاندى اۆتوپاركتەرىنىڭ بىرىندە 150 قوعامدىق كولىك كوندۋكتورىمەن ەڭبەك شارتى بۇزىلدى.
بۇعان ەلەكتروندى تولەم جۇيەسىن ەنگىزۋ سەبەپ بولدى، دەپ حابارلايدى قازاقپارات ءتىلشىسى.
بۇگىن تاڭەرتەڭ قاراعاندىنىڭ بارلىق اۆتوبۋستارى رەيسكە كوندۋكتورسىز شىقتى. سەبەبى قوعامدىق كولىكتە ەلەكتروندى تولەم جۇيەسى ەنگىزىلدى.
قاراعاندى اۆتوپاركتەرى 150 كوندۋكتورمەن ەڭبەك شارتىن بۇزدى. الايدا، اۆتوپارك باسشىلىعىنىڭ ايتۋىنشا، ولاردىڭ ءبارى بىردەي جۇمىسسىز قالعان جوق.
«بارلىق كوندۋكتور جۇمىسسىز قالعان جوق. كەيبىرەۋلەرى باقىلاۋ- تەكسەرۋ قىزمەتىنە ورنالاستى، بۇل - جولاقى تولەۋدىڭ ەلەكتروندى جۇيەسىنىڭ جۇمىسىن باقىلاۋ ءۇشىن اشىلعان جاڭا قىزمەت»، - دەپ حابارلادى №3-اۆتوپاركتە.
قالا اكىمدىگىنىڭ حابارلاۋىنشا، سارالانعان تاريف ەنگىزىلگەنگە دەيىن كوندۋكتورلىق قۇرامى بار №3-اۆتوپارك باسشىلىعىمەن قالالىق جولاۋشىلار كولىگى جۇمىسىنىڭ جاڭا سحەماسى تۋرالى تۇسىندىرمە جۇرگىزىلگەن.
«اۆتوپاركتە قالالىق مارشرۋتتاردا 150 كوندۋكتور جۇمىس ىستەدى، ونىڭ 50 ى اۆتوپاركتىڭ باقىلاۋ- تەكسەرۋ قۇرامىنا قايتا دايارلاندى، ءبىر بولىگى قالاارالىق مارشرۋتتارعا اۋىستىرىلدى. قالعاندارىنا «وڭاي» باقىلاۋ- تەكسەرۋ قىزمەتىنە جۇمىسقا ورنالاسۋ ۇسىنىلدى، وندا بۇگىنگى تاڭدا 35 كە جۋىق باقىلاۋشى قاجەت. سونداي-اق، جۇمىسپەن قامتۋ ورتالىعىنا حابارلاسۋعا بولادى. بۇگىنگى تاڭدا ورتالىقتا 2000 نان استام بوس جۇمىس ورنى بار، سونىمەن قاتار ستيپەنديا تولەي وتىرىپ، ءتۇرلى ماماندىقتار بويىنشا قىسقا مەرزىمدى ءبىلىم الۋعا، كاسىپتىك دايارلاۋ تالاپ ەتىلمەيتىن قوعامدىق جۇمىستارعا ورنالاسۋعا، نەمەسە ءوز ءىسىن دامىتۋعا مەملەكەتتىك گرانت الۋعا مۇمكىندىك بار»، - دەپ ءتۇسىندىردى قاراعاندى قالاسىنىڭ اكىمدىگىندە.
