17:30, 15 - شىلدە 2022 | GMT +5
بيىل كوروناۆيرۋسپەن كۇرەسكە 100 ميلليارد تەڭگە ءبولىندى
نۇر- سۇلتان. قازاقپارات – ق ر دەنساۋلىق ساقتاۋ ءمينيسترى اجار عينيات قازاقستاندا كوروناۆيرۋسپەن كۇرەسكە قانشا قاراجات بولىنەتىنىن ايتتى، دەپ حابارلايدى قازاقپارات ءتىلشىسى.
«بيىلعا كوروناۆيرۋس ينفەكسيامەن كۇرەس جۇمىستارىنا 100 ميلليارد تەڭگە ءبولۋ جوسپارلانعان. وسى باعىتتا ۆاكسينا ساتىپ الۋ، ناۋقاستاردى ەمدەۋ، سونداي- اق قاۋىپتى جاعدايدا جۇمىس ىستەپ جاتقان مەديتسينا قىزمەتكەرلەرىنە ۇستەمەاقى تولەۋ ەسكەرىلگەن»، - دەدى ا. عينيات ورتالىق كوممۋنيكاتسيالار قىزمەتىندە.
ءمينيستردىڭ ايتۋىنشا، قازىرگى بيۋدجەت بىلتىرعا قاراعاندا التى ەسە تومەن ەكەنىن ناقتىلادى.
بۇدان بۇرىن حابارلانعانداي، الەمدە سىرقاتتانۋ دەڭگەيىنىڭ وسۋىمەن قاتار، قازاقستاندا دا 20-ماۋسىمنان باستاپ كوروناۆيرۋس ينفەكسياسىنا شالدىعۋ دەڭگەيى ءوستى.
سونىمەن قاتار، كوروناۆيرۋس كوپ تارالىپ جاتقان وڭىرلەر بەلگىلى بولدى.
اۆتور رۋسلان عابباسوۆ
