قازاقستانعا ۆيزاسىز كەلەتىن ەلدەر قاتارى 100 گە دەيىن جەتكىزىلەدى

None
None
نۇر- سۇلتان. قازاقپارات - بيىل ەلىمىزگە 500 مىڭنان 1 ميلليونعا دەيىن شەتەلدىك تۋريست كەلەدى دەگەن بولجام بار. سونىمەن قاتار قازاقستانعا ۆيزاسىز كىرەتىن ەلدەردىڭ قاتارى ارتپاق.

بۇل تۋرالى ق ر مادەنيەت جانە سپورت ۆيتسە- ءمينيسترى ەرجان ەركىنبايەۆ ءمالىم ەتتى، دەپ حابارلايدى قازاقپارات ءتىلشىسى.

«بيىل ەلىمىزگە 500 مىڭنان 1 ميلليونعا دەيىن شەتەلدەن تۋريست كەلەدى دەپ بولجاپ وتىرمىز. بۇعان دەيىن پاندەمياعا بايلانىستى شەكارالار جابىلىپ، شەكتەۋلەر قويىلعان ەدى. بۇگىنگى تاڭدا بارلىق شەكتەۋ الىنىپ تاستالدى. قازاقستانعا كەلۋ بويىنشا 74 ەلگە ۆيزاسىز رەجيم قايتارىلدى. بۇل ءتىزىمدى 100 گە دەيىن ارتتىرۋدى جوسپارلاپ وتىرمىز. كەشەدەن باستاپ ەلەكتروندى ۆيزا بەرۋ قايتا جانداندى. قازىرگى ۋاقىتتا يران، قىتاي، ءۇندىستان ازاماتتارى ءۇشىن ۆيزاسىز رەجيم ەنگىزۋ ماسەلەسى پىسىقتالۋ ۇستىندە»، - دەدى ەرجان ەركىنبايەۆ ەلوردادا اشىلعان «Qazaqstan Live Fest - 2022» اتتى حالىقارالىق كورمە بارىسىندا.

ونىڭ ايتۋىنشا، بۇگىندە ىشكى تۋريستەردىڭ سانى 6,9 ميلليونعا جەتىپ، رەكوردتىق كورسەتكىشكە قول جەتتى.

بۇعان دەيىن حابارلاعانىمىزداي بۇگىن ەلوردادا Qazaqstan Live Fest - 2022 اتتى حالىقارالىق كورمە اشىلدى.

ءۇش كۇنگە سوزىلاتىن شارانى استانا تۇرعىندارى مەن قوناقتارى تەگىن تاماشالاي الادى.

تۋريزم، سپورت جانە بەلسەندى ءومىر سالتى تاقىرىبىنا ارنالعان شارا ەكسپو اۋماعىنداعى حالىقارالىق كورمە ورتالىعىندا ءوتىپ جاتىر.

اۆتور ءالي يبرايەۆ

سوڭعى جاڭالىقتار