15:26, 16 - اقپان 2022 | GMT +5
اقمولا وبلىسىندا روزا باعلانوۆانىڭ 100 جىلدىعىنا ارنالعان بەينەروليك ءتۇسىرىلدى
كوكشەتاۋ. قازاقپارات - اقمولا پوليتسەيلەرى ك س ر و جانە قازاقستاننىڭ حالىق ءارتىسى، حالىق قاھارمانى روزا باعلانوۆانىڭ ءجۇز جىلدىق مەرەيتويىنا ارنالعان بەينەروليك ءتۇسىردى، دەپ حابارلايدى قازاقپارات ءتىلشىسى.
اقمولا وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، پوليتسيا دەپارتامەنتىنىڭ شىعارماشىلىق ۇجىمىنىڭ قاتىسۋشىلارى قارلىعاش ءتاشىموۆا، ايگەرىم جاقىپبايەۆا، ايدانا يسينا جانە بەكزات جۇماەنوۆ روزا باعلانوۆانىڭ «ىڭكارىم-اي»، «اح، سامارا گورودوك» جانە «ادەمى-اۋ» كومپوزيتسيالارىن ورىندادى.
«بۇگىندە پوليتسيا ۆەدومستۆوسىنىڭ الدىندا جاس پوليتسيا قىزمەتكەرلەرىن يدەولوگيالىق تاربيەلەۋ، ۇرپاقتار ساباقتاستىعىن قامتاماسىز ەتۋ بويىنشا ءبىرىنشى كەزەكتەگى مىندەتتەر تۇر، ال ۇلتتىق مادەنيەتتىڭ باستاۋىنا ورالۋ - بۇل جاس پوليتسەيلەردە پاتريوتيزم رۋحىن، ءوز وتانىنا دەگەن سۇيىسپەنشىلىك پەن ءوز وتانداستارىنا دەگەن ماقتانىش سەزىمدەرىن دامىتۋدىڭ تاماشا مۇمكىندىگى»، - دەپ ءبولىستى ۆەدومستۆودان.
