مەشىتتە جارىلىس بولىپ، 100 ادام قازا تاپتى
بۇل تۋرالى قازاقپارات تاسسقا سىلتەمە جاساپ حابارلايدى.
Aamaj News اقپارات اگەنتتىگىنىڭ مالىمەتىنشە، شابۋىل جەرگىلىكتى ۋاقىتپەن ساعات 13:30 دا جۇما نامازعا ادامدار جينالعاندا جاسالعان.
الدىن الا مالىمەتكە سايكەس، جانكەشتى لاڭكەس مەشىتتىڭ ىشىندە جارىلعىش زاتتى ىسكە قوسقان.
Ariana News تەلەارناسىنىڭ اقپاراتىنا سايكەس، جەرگىلىكتى ءمايىتحاناعا كەم دەگەندە 50 ادامنىڭ دەنەسى جەتكىزىلگەن. جارىلىس تۋرالى حابارلامانى ەلدەگى بيلىكتى جاۋلاپ العان «تاليبان» راديكالدى قوزعالىسىنىڭ وكىلى جانە ۋاقىتشا اۋعان ۇكىمەتىندەگى اقپارات جانە مادەنيەت ءمينيسترىنىڭ ورىنباسارى زابيحۋللا مۋدجاحيد راستادى.
«بۇگىن كۇندىز قۇندىز پروۆينتسياسىندا ءبىزدىڭ وتانداستارىمىز-شەيىتتەردىڭ مەشىتىندە جارىلىس بولىپ، سالدارىنان ادامدار قازا تاۋىپ، جاراقات الدى. ارنايى جاساق وقيعا ورنىنا بارىپ، تەرگەپ جاتىر»، - دەدى ول Twitter- دەگى پاراقشاسىندا.
ءوز كەزەگىندە، مادەنيەت جونىندەگى «تاليبان» كوميسسياسىنىڭ مۇشەسى موحامماد دجالال وسى الەۋمەتتىك جەلىدە تەراكتى «يسلام مەملەكەتى» ەكسترەميستىك ۇيىمىنىڭ تارماعى «حوراسانداعى يسلام مەملەكەتى» توبىنىڭ سودىرلارى جاساعانىن حابارلادى.
