تۇرمەدەگى بۇلىك: 100 دەن استام سوتتالۋشى قازا تاپتى
قارسىلاس توپتار اراسىنداعى قارۋلى قاقتىعىستان 116 ادام قازا تاپتى، دەپ حابارلايدى قازاقپارات BBC گە سىلتەمە جاساپ.
رەسمي تۇلعالاردىڭ ايتۋىنشا، بۇل - ەلدەگى پەنيتەنتسيارلىق جۇيە تاريحىنداعى ەڭ قاندى توبەلەس.
سەيسەنبىدەگى توبەلەس كەزىندە كەم دەگەندە بەس سوتتالۋشىنىڭ باسىن كەسىپ تاستاعان. ال وق جاراقاتىنان بىرنەشە ادام قازا تاپتى. ليتورال تۇرمەسىندە مەكسيكالىق ەسىرتكى كارتەلدەرىمەن بايلانىسى بار دەپ سانالاتىن ەكۆادور باندالارى جازاسىن وتەپ جاتىر.
ونى ەلدىڭ ەڭ قاۋىپتى تۇرمەلەرىنىڭ ءبىرى دەپ اتايدى.
پوليتسيا قولباسشىسى فاۋستو بۋەنانو سوتتالۋشىلاردىڭ گراناتالارى بولعانىن ايتادى.
باقىلاۋدى قالپىنا كەلتىرۋ ءۇشىن 400 پوليتسيا قىزمەتكەرى قاجەت بولعان. جەرگىلىكتى بۇقارالىق اقپارات قۇرالدارىنىڭ حابارلاۋىنشا، بۇلىكتىڭ شىعۋىنا ەكۆادوردا جۇمىس ىستەيتىن ەسىرتكى ساۋداسىمەن اينالىساتىن ءىرى مەكسيكالىق باندالار سەبەپ بولعان.
