20:55, 10 - قىركۇيەك 2021 | GMT +5
الماتىدا 100 جاستاعى ارداگەر «ەڭبەگى ءۇشىن» توسبەلگىسىمەن ماراپاتتالدى
الماتى. قازاقپارات - قالا اكىمى باقىتجان ساعىنتايەۆ سوعىس ارداگەرى قايىرلى جونقوبايەۆتى ءجۇز جىلدىق مەرەيتويىمەن قۇتتىقتادى، دەپ حابارلايدى قازاقپارات ءتىلشىسى.
بۇل تۋرالى اكىم ءوزىنىڭ Twitter پاراقشاسىندا جازدى.
«مەملەكەت باسشىسىنىڭ اتىنان اتى اڭىزعا اينالعان پانفيلوۆ ديۆيزياسىندا سوعىسقان قايىرلى جونقوبايەۆتى ءجۇز جىلدىق مەرەيتويىمەن قۇتتىقتادىم. ارداگەرگە «ەڭبەگى ءۇشىن» توسبەلگىسى تابىس ەتىلدى. اقساقالعا زور دەنساۋلىق پەن اماندىق تىلەيمىز»، - دەپ جازادى اكىم.
1941-جىلى وتانىن قورعاۋعا اتتانعان قازاق ساربازى نەبارى 20 جاستا ەدى. ماسكەۋ تۇبىندەگى ەرلىگى مەن سوعىستا كورسەتكەن باتىلدىعى ءۇشىن كوپتەگەن ناگرادالارمەن ماراپاتتالدى.
بۇگىندە قارت جاۋىنگەر 5 بالادان 7 نەمەرە، 14 شوبەرە ءسۇيىپ وتىر.
