مەملەكەتتىك قىزمەت 100 پايىز سمارتفونمەن قولجەتىمدى بولادى - جولداۋ
«الدىمەن سيفرلىق ۇكىمەتتى قايتا قالىپتاستىرۋ ماسەلەسى تۇر. مەملەكەتتىك سەكتوردىڭ بارلىق IT باستامالارى جاڭا پلاتفورماعا نەگىزدەلەدى. وتاندىق IT سالاسى باسقالاردان قايتالاۋدى قويىپ، ونداعى وتەۋسىز شىعىن مەن بيۋروكراتيانى جويۋ كەرەك. حالىق ءۇشىن مەملەكەتتىك قىزمەت 100 پايىز سمارتفونمەن قولجەتىمدى بولادى»، - دەدى مەملەكەت باسشىسى قاسىم- جومارت توقايەۆ جولداۋ بارىسىندا.
ايتا كەتەيىك، بۇعان دەيىن پرەزيدەنت جوعارى ساناتتى وتاندىق IT مامانداردى ازىرلەۋدى تاپسىرعان ەدى.
«سيفرلاندىرۋ تۋرالى ۇلتتىق جوبا اياسىندا كەم دەگەندە 100 مىڭ جوعارى ساناتتى IT مامان ازىرلەۋىمىز كەرەك. ەكسپورتتىق جانە سيفرلىق سالا بويىنشا تاۋار قىزمەتى 2025 -جىلعا قاراي كەم دەگەندە 500 ميلليون ا ق ش دوللارىنا جەتۋى ءتيىس. مەملەكەتتىك سەكتوردى سيفرلاندىرۋدا وسى جانە وزگە دە مىندەتتەردى قايتا قاراستىرۋ قاجەت. بۇل جەردەگى باستى ماسەلە مەملەكەتتىك ورگانداردىڭ اقپاراتتىق جۇيەسىندە ينتەگراتسيانىڭ جوقتىعى. بۇل سۇراق شۇعىل شەشىم مەن كۇردەلى وزگەرىستى تالاپ ەتەدى»، - دەگەنتۇعىن مەملەكەت باسشىسى.
اۆتور: ءالي يبرايەۆ
