ب ۇ ۇ: 100 جىلدا ءبىر بولاتىن سۋ تاسقىنى جىلدا قايتالانۋى مۇمكىن
ماماندار كليمات وزگەرۋىنىڭ سالدارى ءبىز ويلاعاننان دا ەرتەرەك بايقالىپ جاتقانىن ايتادى. ماسەلەن بۇرىن اپتاپ ىستىق 50 جىل سايىن قايتالانسا، قازىر ول 5 ەسە جيىلەگەن. ب ۇ ۇ وكىلدەرىنىڭ ايتۋىنشا، ەگەر الەمدەگى ورتاشا تەمپەراتۋرا 1,5 گرادۋسقا ارتسا، اپتاپ ىستىق جيىلەي تۇسەدى. جىلى مەزگىلدەر ۇزارادى. تيىسىنشە مۇزدىقتار تەز ەرىپ، سۋ باسۋ قاۋپى ارتا تۇسەدى. تەڭىز ەكوجۇيەسى بۇزىلادى. ال تەمپەراتۋرا 2 گرادۋسقا كوتەرىلسە، ادامداردىڭ دەنساۋلىعى مەن اۋىل شارۋاشىلىعىنا ۇلكەن قاۋىپ تونەدى.
ساراپشىلار جاھاندىق جىلىنۋدىڭ ەڭ باستى سەبەبى ادامنىڭ ءىس- ارەكەتىمەن بايلانىستى دەيدى.
دجون سوۆەن، Greenpeace UK اتقارۋشى ديرەكتورى:
- عالىمدار نە ىستەي الادى؟ ولار باياندامالار دايىندايدى. الايدا الەمدى قۇتقارىپ قالا المايدى. ولار تەك بولىپ جاتقاندى ءتۇسىندىرىپ، نە بولارىن بولجايدى. جاھاندىق جىلىنۋمەن كۇرەستە ءتۇرلى ەلدەردىڭ بيلىگى ارەكەت ەتۋ كەرەك. ماسەلەن، اۋاعا بولىنەتىن زياندى زاتتاردىڭ تورتتەن ءبىرى قىتايدىڭ ۇلەسىندە. ءبىراق قىتاي بيلىگى ارەكەت ەتپەسە، ءبىز ءوز بەتىمىزبەن بۇل ماسەلەنى قالاي شەشەمىز؟