ۆاكسينا سالدىرعان 100 ستۋدەنتتىڭ وقۋ اقىسىنا جەڭىلدىك جاسالادى
ۇتىسقا ۆاكسينا سالدىرعان ستۋدەنتتەر قاتىسادى، دەپ حابارلايدى قازاقپارات ءتىلشىسى.
اقتوبەدەگى بەدەلدى وقۋ ورىندارىنىڭ ءبىرى بۇگىندە ءوز ستۋدەنتتەرى اراسىندا ۇتىس ويىنىن جاريالادى. تالاپ بويىنشا 1-شىلدە مەن 15-تامىز ارالىعىندا ۆاكسينا سالدىرىپ، الەۋمەتتىك جەلىدەگى پاراقشاعا اتى- ءجونى، ستۋدەنتتىڭ ءبىلىم الىپ جۇرگەن كۋرسى، ۆاكسيناتسيالاۋ پاسپورتى جىبەرىلەدى.
ۇتىس جەڭىمپازى 15-تامىزدان كەيىن بەلگىلى بولادى «كوروناۆيرۋس ينفەكسياسىنىڭ تارالۋ جولدارىن كەسۋ، الدىن الۋ ءۇشىن ۆاكسينانىڭ ماڭىزى زور. وسىعان وراي ق. جۇبانوۆ اتىنداعى اقتوبە وڭىرلىك ۋنيۆەرسيتەتى ەكپە الۋ جۇمىستارىن جۇيەلى تۇردە جۇرگىزىپ كەلەدى. ۋنيۆەرسيتەتتىڭ پروفەسسور- وقىتۋشىلار قۇرامى مەن ستۋدەنتتەرى ەكپە الۋ جۇمىستارىندا بەلسەندىلىك تانىتىپ جاتىر. ا. جۇبانوۆ ەمحاناسىندا ەكپە الۋ كابينەتى ۇزدىكسىز جۇمىس جاساپ تۇر. قازىرگى مالىمەتتەرگە سۇيەنسەك، پروفەسسور- وقىتۋشىلار قۇرامىنداعى 497 ادامنىڭ 445 سى، ال 10 مىڭنان استام ستۋدەنتتىڭ 4135 ى ەكپە الدى. ۋنيۆەرسيتەتتە Ashyq جۇيەسى قوندىرىلعان. ۋنيۆەرسيتەت سايتىندا، الەۋمەتتىك جەلىلەردە ەكپەنىڭ ماڭىزدىلىعى جايىندا ماتەريالدار جاريالاندى. ۋنيۆەرسيتەت پروفەسسور- وقىتۋشىلارى مەن ستۋدەنتتەرىنىڭ قاتىسۋىمەن ۆيدەوروليك ءتۇسىرىلدى»، - دەپ حابارلادى ۋنيۆەرسيتەتتىڭ باسپا ءسوز قىزمەتى.
ەستەرىڭىزگە سالا كەتەيىك، بۇعان دەيىن ق ر ءبىلىم جانە عىلىم ءمينيسترى اسحات ايماعامبەتوۆتىڭ تاپسىرماسى بويىنشا ۋنيۆەرسيتەتتەر ءبىلىم الۋشىلار مەن قىزمەتكەرلەر اراسىندا ۆاكسيناتسيانى قولداۋدى ىنتالاندىرۋ شارالارىن ازىرلەگەن. سونداي-اق، ۆاكسينا سالدىرعان ج و و ستۋدەنتتەرى ىستىقكولگە جولداما ۇتىپ العانىن حابارلاعان ەدىك.