نيۋ-يوركتە جۇمادان باستاپ ۆاكسينا العاندارعا 100 دوللاردان تولەنبەك
نيۋ-يورك. قازاقپارات - نيۋ-يورك بيلىگى Covid-19 ۆاكسيناسىنىڭ العاشقى دوزاسىن سالدىرعان تۇرعىندارعا 100 دوللاردان سىياقى جاريالادى، دەپ حابارلايدى قازاقپارات قالالىق مەريانىڭ Twitter- اككاۋنتىنا سىلتەمە جاساپ.
اتالمىش شارا الداعى جۇمادا باستالادى. 100 دوللار الۋ ءۇشىن الدىمەن City Run ارنايى سايتىنا تىركەلىپ، سودان كەيىن ۆاكسيناتسيا سالدىرۋى كەرەك. سونداي-اق، نيۋ-يورك مەرى بيلل دە بلازيو بارلىق قالا قىزمەتكەرلەرىن ۆاكسينا ەگۋگە مىندەتتەدى. ال ۆاكسيناتسيا جاساماعاندار پ ت ر تەستىنىڭ ناتيجەلەرىن ۇنەمى ۇسىنىپ وتىرۋى ءتيىس. نيۋ-يورك مەرىنىڭ سوڭىنان اتتاس شتات باسشىسى دا مىندەتتى تۇردە ەكپە ەگۋ قاجەتتىگىن مالىمدەدى.
«نيۋ-يورك شتاتى بارلىق مەملەكەتتىك قىزمەتكەرلەرگە ۆاكسيناتسيا نەمەسە تەستىلەۋدەن ءوتۋدى تالاپ ەتەدى»، - دەپ جازدى نيۋ-يورك شتاتىنىڭ گۋبەرناتورى ەندريۋ كۋومو Twitter- دە. مۇنىمەن قاتار شەنەۋنىكتەردىڭ ا ق ش-تا قىركۇيەكتىڭ ءبىرىنشى جەكسەنبىسىندە اتاپ وتىلەتىن ەڭبەك كۇنىنە دەيىن ۆاكسينا سالدىرۋى ءتيىس ەكەندىگى ايتىلدى.
