جاسى 100-گە تاياعان جامبىلدىق اجەي ۆاكسينانىڭ ەكىنشى دوزاسىن قابىلدادى
جامبىل وبلىسىنىڭ شۋ اۋدانىنا قاراستى جاڭا جول اۋىلىنىڭ 96 جاستاعى تۇرعىنى يفرات حالياپوۆا كوروناۆيرۋسقا قارسى ۆاكسينانىڭ ەكىنشى دوزاسىن قابىلدادى. جاسى جۇزگە تاياپ قالعان كەيۋانا اعىمداعى جىلدىڭ 12 -مامىرى كۇنى سپۋتنيك- V ۆاكسيناسىنىڭ العاشقى دوزاسىن سالدىرىپتى. جاڭا جول اۋىلىنداعى دارىگەرلىك امبۋلاتوريانىڭ ۋچاسكەلىك مەدبيكەسى گۇلميرا اليەۆا يفرات حالياپوۆانىڭ جاعدايىنىڭ ءبىرقالىپتى ەكەنىن ايتتى.
«يفرات حالياپوۆا بۇعان دەيىن دەنساۋلىعىنا بايلانىستى شاعىمدانعان ەمەس. ەكپە سالدىرماس بۇرىن اجەيدىڭ دەنساۋلىعىنىڭ دۇرىستىعىنا ابدەن كوز جەتكىزىپ، قاجەتتى شارالاردىڭ بارلىعىن جاسادىق. كۇندەلىكتى جاعدايىن ءبىلىپ تۇرامىز»، دەيدى مەدبيكە.
يفرات حالياپوۆا ۇلى وتان سوعىسى كەزىندە دە تىلدا ەڭبەك ەتكەن قايسار جان. سونداي- اق كەزىندە قانت قىزىلشاسىن ەگۋمەن اتى شىققان شۋ اۋدانىنداعى بەدەلدى قىزىلشاشىلاردىڭ ءبىرى بولعان. بۇگىنگى تاڭدا 6 بالاسىنان وربىگەن 13 نەمەرە- شوبەرەلەرىنىڭ ورتاسىندا شاتتىققا تولى كۇن كەشىپ وتىرعان قارت انا اۋرۋدان ايىعۋدىڭ جالعىز جولى - ەكپە سالدىرۋ ەكەنىن ايتادى.
«مەن ەكپەنى ءوزىم ءۇشىن سالدىرعان جوقپىن. ارتىمنان ەرگەن ۇل- قىزدارىم مەن نەمەرە- شوبەرەلەرىمنىڭ دەنساۋلىعىنا الاڭدادىم. بۇل ىندەتتەن جاپا شەككەندەردى كوزىمىزبەن كوردىك. جاقىنىڭنان ايىرىلۋدىڭ قانشالىقتى اۋىر ەكەنىن جاقسى بىلەمىن. سوندىقتان دا كەش بولماي تۇرعاندا ۆاكسينا سالدىرۋ كەرەك»، دەيدى يفرات حالياپوۆا.
جالپى، جاڭا جول اۋىلىندا 2910 ادام تۇراتىن بولسا، ونىڭ 1341تۇرعىنى ۆاكسينا سالدىر. بۇگىنگى تاڭدا 572 تۇرعىن ەرىكتى تۇردە ەكپە سالدىرىپتى.
اۆتور: سايا سەمباي
