پاندەميا سالدارىنان 100 ميلليوننان استام قىزمەتكەر كەدەيلەندى - ب ۇ ۇ
نيۋ-يورك. قازاقپارات - حالىقارالىق ەڭبەك ۇيىمىنىڭ (ح ە ۇ) جاڭا بايانداماسىنىڭ اۆتورلارى COVID-19 پاندەمياسى سالدارىنان 100 ميلليوننان استام قىزمەتكەردىڭ كەدەيلەنگەنىن انىقتادى، دەپ حابارلايدى قازاقپارات بىرىككەن ۇلتتار ۇيىمىنىڭ (ب ۇ ۇ) سايتىنا سىلتەمە جاساپ.
زەرتتەۋ ناتيجەسى 2019-جىلمەن سالىستىرعاندا الەم بويىنشا 108 ميلليون قىزمەتكەر كەدەي جانە قاتتى كەدەي ساناتىنا جاتقىزىلعانىن كورسەتكەن. ولار جانە ولاردىڭ وتباسى كۇنىنە ءبىر ادامعا 3,20 دوللاردان تومەن اقشاعا ءومىر سۇرەدى.
سونىمەن قاتار 2020-جىلى 2019-جىلدىڭ ءتورتىنشى توقسانىمەن سالىستىرعاندا الەمدە جۇمىس ساعاتىنىڭ 8,8 پايىزىنىڭ جوعالعانى اتالدى. بۇل 255 ميلليون تولىق كۇنگى جۇمىس ورنىنا تەڭ. ەسەپتە ايتىلعانداي، جاعدايدىڭ ناشارلاۋىنا قاراماستان، الەمدە جۇمىس ساعاتىنىڭ سانى جاڭارتىلماعان.
وسى جىلدىڭ اياعىنا دەيىن ءالى 100 ميلليون تولىق كۇنگى جۇمىس ورنى جەتىسپەيدى. ال 2022-جىلى جاھاندىق جۇمىسسىزدىق 205 ميلليون ادامعا جەتپەك. 2019-جىلى بۇل كورسەتكىش 187 ميلليون بولعان.
