اقمولا وبلىسىندا ءبىر تاۋلىكتىڭ ىشىندە جولدا قالعان 100 گە جۋىق ادام قۇتقارىلدى
«8-9 اقپاندا اقمولا وبلىسىندا جولدا قالعان 89 ادام جىلىتۋ پۋنكتەرىنە جەتكىزىلدى، ونىڭ 14 ءى بالا. قۇتقارۋ جۇمىستارى جەرگىلىكتى اتقارۋشى ورگاندارمەن جانە پوليتسيا قىزمەتكەرلەرىمەن بىرلەسىپ جۇرگىزىلدى. اۋا رايىنىڭ ناشارلاۋىنا بايلانىستى قوعامدىق ءتارتىپتى جانە جول قاۋىپسىزدىگىن قامتاماسىز ەتۋ ءۇشىن اقمولا وبلىسىنىڭ پ د كۇشتەرى جانە قۇرالدارىنان 27 بەكەت قويىلدى. وعان 48 قىزمەتكەر مەن 27 پاترۋلدىك اۆتوكولىك جۇمىلدىرىلدى»، - دەدى ۆەدومستۆودان.
اقمولا وبلىسى ت ج د باستىعى نۇرلان اتىعايەۆتىڭ ايتۋىنشا، قۇتقارۋشىلار ازاماتتاردى ءوڭىردىڭ بلوك بەكەتتەرىنەن جىلىتۋ پۋنكتتەرىنە جەتكىزدى. ەرەيمەنتاۋ اۋدانىندا 40 ادام (ونىڭ ىشىندە 7 بالا) جانە 20 كولىك اۋداندىق مادەنيەت ۇيىنە ورنالاستىرىلدى. ال، شۋچە قالاسىنىڭ جوعارى تەحنيكالىق كوللەدجىنە 31 ادام، ونىڭ ىشىندە 5 بالا ورنالاستىرىلدى. شورتاندى اۋدانىندا ەۆاكۋاتسيالانعانداردىڭ اراسىندا 1 جاسار بالاسى بار جۇكتى ايەل دە بولدى. سەلينوگراد اۋدانى اۋماعىندا ج ك و كەزىندە بەس ادام قۇتقارىلدى. ايتا كەتەيىك، 9-اقپاندا كەشكى ساعات 18:00-دەگى مالىمەت بويىنشا شۋچە جانە «نۇر- سۇلتان» قالالارىنان شىعا بەرىستە، سونداي- اق پاۆلودار قالاسى باعىتىندا 300 دەن استام اۆتوكولىك جينالىپ تۇر.