پەتروپاۆلدا بوراننان كەيىن 100 گە جۋىق كوممۋنالدىق تەحنيكا كوشەگە شىقتى

پەتروپاۆل قالالىق تۇرعىن ءۇي-كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمى باسپا ءسوز قىزمەتىنىڭ مالىمەتىنشە، قىسقى ماۋسىمدا پەتروپاۆل كوشەلەرىن قالىپتى ۇستاۋ ماقساتىندا 14 كوممۋنالدىق كاسىپورىنمەن كەلىسىم شارت جاسالعان. ولار نەگىزىنەن تۇنگى ساعات 22:00 دەن باستاپ تاڭعى ساعات 5-6 عا دەيىن جۇمىس ىستەيدى.

ال بوراندى كۇندەرى جۇمىس كەستەسىنە وزگەرىس ەنگىزىلىپ، ولار كۇندىز دە كوشەلەردى قاردان تازارتۋعا شىعادى. قاجەت بولعان جاعدايدا قار كۇرەپ، شىعارۋعا 250 گە دەيىن كوممۋنالدىق تەحنيكانى جۇمىلدىرۋعا مۇمكىندىكتەرى بار.

«ەكى كۇننەن بەرى پەتروپاۆلدا بوران. وسىعان بايلانىستى كۇندەلىكتى قالانى قاردان تازالاۋعا 100 گە جاقىن تەحنيكا شىعادى. بىزدە وبلىس ورتالىعى 10 اۋماققا بولىنگەن. ءار مەكەمەنىڭ وزىنە بولىنگەن كوشەلەرى بار، ولار سونى تازارتىپ شىعارادى. بۇدان باسقا كوشەلەرگە قۇم مەن تۇز سەبۋ جۇمىستارى جۇرگىزىلەدى»، - دەيدى پەتروپاۆل قالالىق تۇرعىن ءۇي-كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمىنىڭ باسپا ءسوز حاتشىسى اسەم ايتۋلوۆا.

جالپى قىس باستالعالى پەتروپاۆل كوشەلەرىنەن 35 مىڭ تەكشە مەتر قار سىرتقا شىعارىلعان.