جەتىسايدا 100 جاستاعى اجەي ومىرىندە ءبىرىنشى رەت جەكە كۋالىك الدى

ايتا كەتەيىك، بيىلعى اقپان ايىندا جەتىساي اۋدانى كۇرىشتى اۋىلىنىڭ تۇرعىنى 99 جاسقا كەلگەن كۇلاي سۇگىربايەۆانىڭ وسى كۇنگە دەيىن جەكە كۋالىك الماعانى انىقتالعان ەدى. كۇلاي اجە ءوزىنىڭ بارلىق قۇجاتتارىن جوعالتىپ العان، سونىڭ سالدارىنان ۇل- قىزدارى دا قۇجاتسىز جۇرگەن. پوليتسەيلەر اتالعان قارت تۇرعىننىڭ جەتىساي اۋدانى پوليتسيا بولىمىنە ءوتىنىش بىلدىرمەگەنىن جانە كوشى- قون قىزمەتىنە جۇگىنبەگەنىن ايتقان بولاتىن.

وسىعان بايلانىستى قۇجاتسىز قارت تۇرعىنعا ءتارتىپ ساقشىلارى قازاقستان رەسپۋبليكاسى ءى ءى م بۇيرىعىنا سايكەس ق ر ازاماتتىعىنا قۇجاتتاندىرۋ ءۇشىن ءبىرىنشى كەزەكتە پوليتسيا بولىمىنە بارىپ ءوتىنىش جازۋى ءتيىس ەكەندىگىن تۇسىندىرگەن. وعان قوسا ق ر ازاماتى ەكەنىن انىقتاۋ ءۇشىن ءوتىنىشحاتپەن بىرگە تۋۋ تۋرالى كۋالىك، ەڭبەك كىتاپشاسى، ءبىلىمى تۋرالى اتتەستات، ديپلوم نەمەسە شارۋاشىلىق بويىنشا كىتاپتان ءۇزىندى كوشىرمەلەرىن تاپسىرۋى قاجەت. الايدا، تەكسەرۋ بارىسىندا اجەيدە جوعارىدا كورسەتىلگەن قۇجاتتاردىڭ ەشقايسىسى جوق ەكەنى بەلگىلى بولدى.

وسىعان قاراماستان جەتىساي ا پ ب كوشى- قون قىزمەتكەرلەرى ق ر ءى ءى م تالاپتارىن ەگجەي- تەگجەيلى تۇسىندىرە وتىرىپ، تۇرعىنعا قۇجاتتارىن جيناقتاۋعا كومەكتەستى. 2-3 اي ارالىعىندا سوت شەشىمىمەن تۋۋ تۋرالى كۋالىگى قالپىنا كەلتىرىلىپ، دايىن بولدى. ودان كەيىن جەدەل ارەكەت ەتكەن پوليتسەيلەر ك. سۇگىربايەۆانىڭ ق ر ازاماتتىعىن راستاۋ تۋرالى ءوتىنىشحاتىن قابىلدادى. 20 كۇننەن كەيىن تۇرعىننىڭ جەكە كۋالىگى دايار بولدى.

وسىلايشا ءبىر عاسىر جاساعان اجەيگە جەكە كۋالىگىن اپەرۋ ءۇشىن ءتارتىپ ساقشىلارى بارلىق قاجەتتى شارالاردى جۇرگىزىپ، كومەك قولىن سوزدى. دايىن قۇجاتتى اقجاۋلىقتى انانىڭ شاڭىراعىنا بارىپ، ارنايى تابىستادى. ءوز كەزەگىندە جەتىسايلىق 100 جاستاعى انا قۇجاتتارىن جاساپ بەرگەن پوليتسەيلەرگە العىسىن ايتىپ، باتاسىن بەردى.

اۆتور: بالنۇر قوجاگەلدى