بەيرۋتتاعى جارىلىس: قازا تاپقاندار سانى 100 ادامنان استى

بۇعان دەيىن قازا تاپقان 78 ادام تۋرالى حابارلانعان بولاتىن. Sky News Arabia تەلەارناسىنىڭ مالىمەتىنشە، زارداپ شەككەن ادامدار سانى 4 مىڭنان اسقان. سەيسەنبى كۇنى بەيرۋتتاعى تەڭىز پورتىندا، ليۆان اسكەري تەڭىز كۇشتەرى بازاسىنا جاقىن جەردە جويقىن جارىلىس بولدى.

جارىلۋ تولقىنىنان ونداعان ۇيلەر مەن اۆتوموبيلدەر قيرالىپ، زاقىمدالدى، قالاداعى كوپتەگەن ۇيلەردىڭ تەرەزە شىنىلارى سىندى.

جەرگىلىكتى بيلىكتىڭ مالىمەتىنشە، جارىلىسقا كەدەن قىزمەتىنىڭ 2015 -جىلى تاركىلەگەن، سول ۋاقىتتان بەرى قويمادا ساقتالعان 2,7 مىڭ توننا اممياك سەليتراسىنىڭ دەتوناتسياسى سەبەپ بولدى. ەلدە ازا تۇتۋ كۇنى جاريالاندى. ەكى اپتالىق مەرزىمگە توتەنشە جاعداي رەجيمى ەنگىزىلدى.