يتاليادا كوروناۆيرۋستان كوز جۇمعاندار سانى 100دەن استى
ريم. قازاقپارات - سارسەنبى كۇنى يتاليادا كوروناۆيرۋس جۇقتىرىپ العاندار سانى 2706 ادامعا جەتتى، بۇل الداعى كۇنمەن سالىستىرعاندا 443 ادامعا كوپ. بۇل تۋرالى ANSA اگەنتتىگىنە سىلتەمە جاساپ قازاقپارات ح ا ا حابارلايدى.
يتاليانىڭ ازاماتتىق قورعانىس ۇلتتىق قىزمەتىنىڭ باسشىسى اندجەلو بوررەلليدىڭ ايتۋىنشا، ەلدە ىندەتتەن كوز جۇمعاندار سانى 107 ادامدى قۇرادى. 276 ادام ساۋىعىپ كەتتى. بۇل سەيسەنبى كۇنگى كورسەتكىشپەن سالىستىرعاندا، 116 ادامعا كوپ. دەرتتەن ايىعىپ كەتكەندەر سانىنىڭ ءوسىمى - 72,5 پايىز. بۇل سوڭعى بىرنەشە كۇندە ەڭ ۇلكەن كورسەتكىش.
ىندەت جۇقتىرعان 297 گە جۋىق ادام جانساقتاۋ بولىمىندە جاتىر. بوررەلليدىڭ ايتۋىنشا، 1346 ادام اۋرۋحانادا، تاعى 1065 ادام - ۇيدەگى كارانتيندە جاتىر.
يتاليا ۇكىمەتى كوروناۆيرۋس سالدارىنان بەيسەنبىدەن باستاپ ناۋرىز ايىنىڭ ورتاسىنا دەيىن ەلدەگى بارلىق مەكتەپتەر مەن ۋنيۆەرسيتەتتەردى جابۋ شەشىمىن قابىلدادى. بۇل تۋرالى يتاليانىڭ ءبىلىم ءمينيسترى ليۋتسيا اتستسولينا ءمالىم ەتتى.
ەسكە سالا كەتەيىك، 21 - اقپاندا يتاليادا كوروناۆيرۋستان ءبىرىنشى ادام كوز جۇمدى.
