ەلوردالىق 100 وتباسىعا ماتەريالدىق كومەك كورسەتىلدى
«ەلوردادا وسىمەن ەكىنشى جىل ءوتىپ جاتقان حالىقارالىق جاستار بالى اياسىندا 2 قايىرىمدىلىق شاراسى ۇيىمداستىرىلدى. ونىڭ ءبىرىنشىسى «قايىرىمدى قالا» وندا حالىقارالىق جاستار بالىنىڭ قاتىسۋشىلار 100 الەۋمەتتىك جاعدايى تومەن وتباسىعا ماتەريالدىق كومەك كورسەتتى. ول ءۇشىن ءبىز ارنايى مۇقتاج جانداردى تاڭداپ الدىق. سونداي-اق، اتالعان وتباسىلاردىڭ بالالارى مەرەكەلىك شوۋ- باعدارلامانى تاماشالاۋ مۇمكىندىگىنە يە بولدى. ول تاۋەلسىزدىك كۇنىنە وراي ۇيىمداستىرىلدى. ودان بولەك، قاتىسۋشىلار «جۇرەكتەن جۇرەككە» قايىرىمدىلىق اكسياسى اياسىندا قالاداعى قارتتار جانە بالالار ۇيلەرىنە باردى. وندا قارتتار جانە بالالارمەن اڭگىمە دۇكەن قۇرىپ، اسەرلى كەش ءوتتى»، - دەدى نۇر-سۇلتان قالاسى قوعامدىق دامۋ ىستەرى باسقارماسى جاستارمەن جۇمىس ءبولىمىنىڭ باسشىسى باقىتجان جۇنىسبەكوۆ.
ونىڭ ايتۋىنشا، جاستار اتالعان قايىرىمدىلىق شارالارعا بەلسەنە قاتىستى.
«جاستارعا ارنالعان قايىرىمدىلىق بالدىڭ باستى ماقساتى - كەش وتكىزىپ، بي بيلەۋ عانا ەمەس. جاستاردى قايىرىمدىلىققا باۋلۋ، قايىرىمدى ءىس جاساۋعا شاقىرۋ. بيىلعى جاستار بالى حالىقارالىق دەڭگەيدە وتۋدە. بالعا قاتىسۋعا 20-عا جۋىق ەلدەن دەبيۋتانتتار ءوتىنىم ءبىلدىردى. سونىڭ ناتيجەسىندە 10 ءتۇرلى ەلدىڭ جاستارىن قايىرىمدىلىق شاراسى بىرىكتىردى. بارلىعى دا قايىرىمدىلىق شاراسىندا ۇلتىنا، تىلىنە قاراماستان ءوز بىلسەندىلىكتەرىن تانىتتى»، - دەدى ول.
ايتا كەتسەك، كەشە نۇر-سۇلتاندا «ءبىر الەم - ءبىر ءومىر» (One world - one life) اتتى حالىقارالىق جاستار بالى ءوتتى. وعان رەسەي، قىتاي، نيگەريا، تاجىكستان، وزبەكستان، قىرعىزستان، ۋكراينا، يندونەزيا، ۆەنەسۋەلا جانە ءوز ەلىمىزدىڭ دەبيۋتانتتارى قاتىستى.
