قازاقستاننىڭ ىشكى نارىعى قانداي ازىق- تۇلىكپەن 100 پايىز قامتىلعان

اتالعان ماسەلە بويىنشا نەگىزگى بايانداما جاساعان اۋىل شارۋاشىلىعى ءمينيسترى ساپارحان وماروۆتىڭ ايتۋىنشا، «اگروونەركاسىپ كەشەنىن جانە ەلدىڭ اۋىلدىق ايماقتارىن دامىتۋدى مەملەكەتتىك رەتتەۋ تۋرالى» ق ر زاڭىنا سايكەس، حالىق ءبىر جىلدا تۇتىناتىن ازىق- تۇلىكتىڭ 80 پايىزى ەل ىشىندە وندىرىلسە، وندا مەملەكەت ءوزىن ونىممەن قامتاماسىز ەتەدى دەپ سانالادى. وتكەن جىلى ىشكى نارىقتى نەگىزگى ازىق- تۇلىك تاۋارلارىمەن قامتاماسىز ەتۋ كورسەتكىشى 80 پايىزعا جەتتى.

«بۇل رەتتە كۇرىش، قوي ەتى، جۇمىرتقا، ۇن، نان، ماكارون، جارما، ءسۇت، كارتوپپەن قامتاماسىز ەتۋ 100 پايىزدان اسىپ وتىر. سيىر، شوشقا جانە جىلقى ەتىمەن قامتاماسىز ەتۋ تيىسىنشە 97,9, 98,2, 98,1 پايىزدى قۇرايدى. ەتتىڭ ىشكى نارىعى يمپورتتىق جەتكىزىلىمدەرگە تاۋەلدى ەمەس. وسىمدىك مايىمەن قامتاماسىز ەتۋ - 94,8، اشىمال ءسۇت ونىمدەرىمەن - 89,8 پايىزدى قۇراپ وتىر. دەگەنمەن، جەكەلەگەن تاۋارلاردا وتاندىق ءوندىرىستىڭ ۇلەسى ىشكى تۇتىنۋدا ءالى دە تومەن بولىپ وتىر. ولار: قۇس ەتى - 50,2 پايىز، ىرىمشىك پەن سۇزبە - 58,4 پايىز، قانت - 54,4 پايىز، شۇجىق ونىمدەرى - 60,1 پايىز، الما - 69,5 پايىز، بالىق - 62 پايىز. ەلدى ازىق- تۇلىكپەن قامتاماسىز ەتۋدىڭ بۇل كورسەتىشتەرى اوك سۋبەكتىلەرىن مەملەكەتتىك قولداۋ باعىتتارىن قالىپتاستىرۋدا باستى كريتەري سانالادى»، - دەدى مينيستر.

ونىڭ اتاپ وتۋىنشە، ۇكىمەت 2021 -جىلعا دەيىنگى اگورونەركاسىپ كەشەنىن دامىتۋدىڭ مەملەكەتتىك باعدارلاماسىن جۇزەگە اسىرىپ جاتىر. ول اگرارلىق سەكتوردى كەشەندى جانە جۇيەلى ادىستەرمەن قامتاماسىز ەتەدى.

«باعدارلاما اياسىندا 5 جىلدىڭ ىشىندە قايتا وڭدەلگەن ءونىم ەكسپورتىنىڭ كولەمىن جانە ەڭبەك ونىمدىلىگىن 2,5 ەسە ارتتىرۋعا قول جەتكىزۋ مىندەتى قويىلعان. قازىرگى ۋاقىتتا ا ءو ك مەملەكەتتىك باعدارلاماسى اياسىندا ىشكى نارىقتى ازىق- تۇلىك ونىمدەرىمەن تولتىرۋدىڭ بارلىق قاجەتتى شارالارى قابىلدانعان. ا و ك- تە 16 باعىت بويىنشا سۋبسيديانىڭ 40 ءتۇرى بار»، - دەدى س. وماروۆ.

اۆتور: مارلان جيەمباي