حالىق سانى 100 ميلليون ادامنان اساتىن ەلدەر
نۇر-سۇلتان. قازاقپارات - الەم حالقى سانىنىڭ ءوسۋى جىلىنا شامامەن %1,1 (شامامەن 83 ميلليون ادام).
XVIII عاسىردا ونەركاسىپ رەۆوليۋتسياسىنان كەيىن حالىق سانى تەز ءوستى. الەم حالقىنىڭ سانى 1800 -جىلدان باستاپ قازىرگە دەيىن 1 ميللياردتان 7 ميللياردقا ارتتى جانە ەسەپتەۋلەر بويىنشا 2030 -جىلعا قاراي 8,6 ميللياردقا جەتەدى.
تۇرعىندار سانى 100 ميلليوننان اساتىن 13 ەل بار: قىتاي، ءۇندىستان، ا ق ش، يندونەزيا، برازيليا، پاكىستان، نيگەريا، جاپونيا، ەفيوپيا، بانگلادەش، رەسەي، مەكسيكا جانە فيليپپيندەر. قىتاي مەن ءۇندىستاندا بۇل كورسەتكىش 1 ميللياردتان استى.
قىتاي ≈ 1,409,516,397
قىتاي شىعىس ازياداعى ەگەمەن مەملەكەت بولىپ تابىلادى، ول شامامەن 9,6 ميلليون ك م 2 قۇرايدى. ق ح ر- دا 56 ەتنيكالىق توپ بار، ولاردىڭ ەڭ ءىرىسى حان نەمەسە قىتايلىقتار (%91,51). حان الەمدەگى ەڭ كوپ ۇلت بولىپ سانالادى جانە شىنجاڭ مەن تيبەتتەن باسقا بارلىق ق ح ر-نىڭ پروۆينسيالارىندا باسىم.
ءۇندىستان ≈ 1,339,180,127
ءۇندىستان جەر كولەمى بويىنشا الەمدە جەتىنشى ورىندا، ال تۇرعىنداردىڭ سانى جاعىنان ەكىنشى ورىندا. 2011 -جىلعى ساناق بويىنشا تۇرعىنداردىڭ سانى 1210193422 ادامدى قۇرادى، ياعني 2001 -جىلدان 2011 -جىل ارالىعىندا كورسەتكىش %17,64 دەيىن ءوستى. حالىقتىڭ سانى 1 ميللياردقا 1998 -جىلى جەتتى، بولجام بويىنشا، 2024 -جىلعا قاراي ءۇندىستان الەمدەگى حالىق ەڭ تىعىز ورنالاسقان مەملەكەت بولادى. تۇرعىنداردىڭ %50 دان استامى 15 جاستان كىشى.
امەريكا قۇراما شتاتتارى ≈ 324,459,463
قۇراما شتاتتار 5 ءوزىن-ءوزى باسقاراتىن اۋماقتان، 50 شتاتتان جانە 1 فەدەرالدى وكرۋگتان تۇراتىن مەملەكەت بولىپ سانالادى. امەريكا قۇراما شتاتتارى شامامەن 9,8 ميلليون ك م 2 اۋماقتى قامتيدى. بۇل الداعى جىلداردا حالىقتىڭ سانى ايتارلىقتاي ءوسۋى بولجانىپ وتىرعان جالعىز ءىرى دامىعان مەملەكەت. حالىق سانى ەڭ كوپ شتات كاليفورنيا (39,536,653 ادام)، كەيىن تەحاس پەن فلوريدا بولىپ تابىلادى.
يندونەزيا ≈ 263,991,379
يندونەزيا وڭتۇستىك- شىعىس ازياداعى مۇحيت اۋماقتارى بار ەگەمەن جانە كونتينەنت ارالىق مەملەكەت بولىپ تابىلادى. بۇل 13000 نان استام ارالدارى بار ساياسي كارتاداعى ەڭ ۇلكەن ارالدىق مەملەكەت. كوپتەگەن تۇرعىندار ياۆا ارالىندا تۇرادى.
برازيليا ≈ 209,288,278
برازيليا حالقىنىڭ سانى 1940 -جىلدان 1970 -جىلعا دەيىن ءولىم-ءجىتىمنىڭ تومەن بولۋىنا بايلانىستى ايتارلىقتاي ءوستى. 1940 -جىلدارداعى ءوسۋ قارقىنى %2,4 بولسا، 1950 –جىلدارى %3 عا جەتتى. الايدا، 1960- جىلداردان بەرى ءوسۋ قارقىنى تومەندەي باستادى، ال قازىر بۇل كورسەتكىش %0,8 دى قۇرايدى.
دەرەككوز: bilim-all.kz
