ۇكىمەت باسشىسى حالىق ساپالى اۋىزسۋمەن 100 پايىز قاشان قامتىلاتىنىن ايتتى
«قازىرگى تاڭدا ەلباسىنىڭ حالىقتىڭ تۇرمىس ساپاسىن جاقسارتۋ تاپسىرماسىن ورىنداۋ اياسىندا ەلدى مەكەندەردى سۋمەن جابدىقتاۋ جانە ولارعا سۋ جەتكىزۋ بويىنشا ناقتى شارالاردى ىسكە اسىرۋ، وسى باعىتتاعى جۇمىستاردى كۇشەيتۋ كەرەك. بۇگىن ءبىز مينيسترلەر مەن اكىمدەردىڭ باياندامالارىن تىڭدادىق. باياندامالاردا اتالىپ وتكەن شارالاردى جۇزەگە اسىرۋدىڭ ناتيجەسىندە 2023 -جىلدىڭ اياعىنا قاراي حالىقتى اۋىزسۋمەن قامتاماسىز ەتۋ ماسەلەسىن 100 پايىز شەشۋگە مۇمكىندىك جاسالادى»، - دەدى ۇكىمەت باسشىسى.
وسى رەتتە پرەمەر-مينيستر اۋىلداردى اۋىزسۋمەن قامتۋ دەڭگەيى جوعارى وڭىرلەردىڭ جۇمىسىن اتاپ ءوتتى. اتاپ ايتقاندا، الماتى وبلىسى تۇرعىندارىنىڭ - 89,5 پايىزى، قىزىلوردا وبلىسى تۇرعىندارىنىڭ 83,2 پايىزى اۋىز سۋمەن قامتاماسىز ەتىلگەن. ال جامبىل، قوستاناي جانە پاۆلودار وبلىستارىنىڭ اكىمدىكتەرىنىڭ جۇمىسى ءتيىستى دەڭگەيدە جۇرگىزىلىپ وتىرعان جوق.
«بۇل وڭىرلەردىڭ اكىمدەرى حالىقتى سۋمەن جابدىقتاۋ ماسەلەسىنە باسا نازار اۋدارىپ، وسى باعىتتا بەلسەندى جۇمىس جۇرگىزۋى كەرەك. جالپى كەلەسى ماسەلەلەرگە نازار اۋدارعىم كەلەدى. ءبىرىنشى، اۋىلدىق توپتىق سۋ تاراتقىشتارعا قىزمەت كورسەتۋدى جاقسارتۋ ماقساتىندا وسى فۋنكتسيالاردى اۋىل شارۋاشىلىعى مينيسترلىگىنە بەرۋ جونىندەگى ۇسىنىستى، جالپى، قولدايمىن. ءبىر ايدىڭ ىشىندە اۋىلدىق توپتىق سۋ تاراتقىشتاردى بەرۋ ماسەلەلەرىن پىسىقتاپ، زاڭنامالىق جانە زاڭنامالىق- قۇقىقتىق اكتىلەرگە ءتيىستى وزگەرتۋلەر ازىرلەۋ قاجەت»، - دەدى ۇكىمەت باسشىسى.
اسقار مامين ەكىنشىدەن، 2023 -جىلدىڭ سوڭىنا دەيىن بارلىق قالالار مەن اۋىلداردى اۋىزسۋمەن 100 پايىز قامتاماسىز ەتۋ ماقساتىندا اكىمدەرگە مۇددەلى مەملەكەتتىك ورگاندارمەن بىرلەسىپ، وڭىرلىك جوسپارلارعا تۇزەتۋلەردى شۇعىل تۇردە ەنگىزۋ، بارلىق نىسانداردىڭ قۇرىلىسىن جانە پايدالانۋعا بەرۋدىڭ بەلگىلەنگەن مەرزىمدەرىنە سايكەس قامتاماسىز ەتۋ قاجەتتىگىن ايتتى.
«ءۇشىنشى، قالالاردا كارىزدىك تازالاۋ قۇرىلىستارىن سالۋ جانە جاڭعىرتۋ ءبىز ءۇشىن تاعى ءبىر ماڭىزدى مىندەت بولىپ سانالادى. بۇل مىندەتتى شەشۋ تاسىلدەرى ايقىندالعان. ولاردىڭ ءبىرى تازارتۋ قۇرىلىستارىن سالۋ جوبالارىنىڭ ينۆەستيتسيالىق تارتىمدىلىعىن ارتتىرۋ بولىپ تابىلادى. قارجىلاندىرۋعا دا قاتىستى ءتيىستى جۇمىس جۇرگىزىلىپ جاتىر. ونىڭ ىشىندە ەۋروپالىق قايتا قۇرۋ جانە دامۋ بانكىمەن جۇمىس جۇرگىزىلۋدە جانە باسقا دا ءبىرقاتار حالىقارالىق قارجى ينستيتۋتى وسىنداي جوبالاردى قارجىلاندىرۋعا قىزىعۋشىلىق بىلدىرۋدە. يندۋستريا، ۇلتتىق ەكونوميكا مينيسترلىكتەرىنە، اكىمدىكتەرگە حالىقارالىق قارجى ينستيتۋتتارىمەن بىرلەسىپ، مەملەكەتتىك- جەكەشەلىك سەرىكتەستىك اياسىندا حالىقارالىق تاجىريبەنى ەسكەرىپ، قارجىلاندىرۋ تەتىكتەرىن پىسىقتاۋدى تاپسىرامىن»، - دەدى ۇكىمەت باسشىسى.