ماسكتىڭ مارسقا قاتىستى 100 جىلدىق جوسپارى
ول NASA عارىش اگەنتتىگىنىڭ بۇل ىسكە سەلقوس قاراپ جاتقانىن، 4-5 -جىل اراسىندا مارس پلانەتاسىنا ادام جىبەرمەيتىنىن ءبىلىپ، بۇل ءىستى ءوزى تاۋەلسىز جۇزەگە اسىرۋدى باستادى. ونىڭ ويىنشا، كەزى كەلىپ ادامدار جەر شارىن تاستاپ كەتەدى. سول كەزدە ادامزاتتىڭ جاڭا مەكەنى مارس سياقتى عالامشارلار بولماق ەكەن.
يلون ماسكتىڭ بۇل سالادا جەتكەن جەتىستىكتەرى وتە كوپ. ءبىر عانا بىرنەشە رەت پايدالانۋعا بولاتىن Falcon 9 زىمىرانىنىڭ ءوزى ءبىر تاقىرىپتىڭ جۇگى. بۇل تۋرالى كەيىن ايتامىز. قازىر نازارلارىڭىزعا يلوننىڭ مارسقا قاتىستى بىرنەشە جىلدىق جوسپارىن ۇسىنامىز.
2018 -جىل: تەحاستاعى عارىش ايلاعىنىڭ قۇرىلىسى كومپانيا ءوزىنىڭ Falcon 9 جانە Falcon Heavy Launch قوندىرعىلارىن ىسكە قوسۋ ءۇشىن عانا ەمەس، سونداي- اق ونىڭ دامۋ پروتوتيپتەرىن سىناقتان وتكىزۋ ءۇشىن دە ءوز عارىش ايلاعىنا مۇقتاج.
يلون ماسكتىڭ عارىش ورتالىعىن تەحاستا سالىنىڭ بىرنەشە ءتيىمدى جاعى بار. بىرىنشىدەن، SpaceX زىمىراننىڭ ۇلكەن بولىكتەرىن پاناما كانالى ارقىلى عارىش الاڭىنا تاسىمالداي الادى. ايتپەسە، بولشەكتەردى ۇشاق نەمەسە جۇك كولىگىمەن تاسىمالداۋعا تۋرا كەلەدى، ال ول ايتارلىقتاي قىمباتقا تۇسەدى. ەكىنشىدەن، ەكسپەريمەنتتىك عارىش اپپاراتىن ءتۇرلى جارىلعىش سۇيىقتىقتارمەن تولىقتىرۋدى جوسپارلاپ وتىرعان كومپانيا ءۇشىن عارىش ايلاعى ورنالاساتىن جەر (بوكا چيكا كەنتى) وتە قولايلى: ول اۋماقتا ەشكىم ءومىر سۇرمەيدى. ۇشىنشىدەن، عارىش ايلاعىنىڭ قۇرىلىسى تەحاس شتاتىنىڭ قارجىلاي قولداۋىمەن جۇزەگە اسىرىلادى، سەبەبى عارىش ايلاعى شتاتتاعى جۇمىسسىزدىقتى ازايتۋعا سەپ بولايىن دەپ تۇر. سونىمەن قاتار، ادامدارعا جانە تابيعاتقا زيان تيمەۋى ءۇشىن ىسكە قوسۋ الاڭى سۋدا بولادى. تەحاس شتاتىندا عارىش ايلاعىن سالۋدىڭ تاعى ءبىر سەبەبى:
• عارىشقا ۇشاتىن زىمىران ەكۆاتور سىزىعىنا جاقىن بولعان سايىن وتىن ۇنەمدەيدى؛ • جەر شارىنىڭ اينالۋى زىمىراننىڭ جوعارى كوتەرىلۋىنە كومەكتەسەدى.
2019 -جىل: Big Falcon Spaceship زىمىرانىنىڭ دەبيۋتى SpaceX- ءتىڭ پرەزيدەنتى جانە اتقارۋشى ديرەكتورى گۆينن شوتۆەللدىڭ ايتۋىنشا، 2019 -جىل كومپانيا عارىشقا ۇشاتىن زىمىراننىڭ نۇسقاسىن تاجىريبەدەن وتكىزەدى. زىمىراندار ىسكە قوسىلعانىمەن عارىشقا شىقپاي قايتا قونادى.
وسى ارقىلى ماماندار بولاشاق ساياحاتتار ءۇشىن كەمەنىڭ كەم- كەتىگىن ءبىلىپ الماقشى. 2020-2021 ج ج.: BFR زىمىرانىنىڭ تولىققاندى جۇيەسىن سىناقتان وتكىزۋ جانە عارىشقا ۇشىرۋ Satellite 2018 دەپ اتالاتىن عارىشتىق قۇرىلعىلاردىڭ حالىقارالىق كورمەسىندە شوتۆەلل 2020 -جىلى BFR زىمىراندارى عارىشقا ۇشاتىنىن ايتقان ەدى. ءبىراق، ماسكتىڭ ايتۋىنشا، ولار عارىشقا ادامداردى ۇشىرۋدان بۇرىن، بىرنەشە زىمىراندى عارىشكەرسىز ۇشىرىپ كورمەكشى.
2022 -جىل: مارسقا قاجەتتى جۇكتەر بار ەكى زىمىراندى ۇشىرۋ (عارىشكەرلەرسىز) ماسك 2022 -جىلدارى BFR زىمىرانىنىڭ كومەگىمەن مارسقا قاجەتتى جۇكتەردى جىبەرۋدى كوزدەپ وتىر. مارسقا جەتۋ ءۇشىن بىرنەشە ايدان ءبىر جىلعا دەيىن ۋاقىت كەتۋى مۇمكىن. سوندىقتان يلون ماسك 2022 -جىلدىڭ جازىندا ۇشىرىلاتىن زىمىراندار قىزىل عالامشارعا سول جىلدىڭ سوڭى نەمەسە 2023 -جىلدىڭ باسىندا جەتىپ بارادى دەگەن مالىمدەمە جاسادى.
2022-2023 ج ج.: مارسقا العاشقى Big Falcon عارىش كەمەسىنىڭ قونۋى ماسك مارسقا ۇشاتىن العاشقى زىمىرانداردى بوس جىبەرگىسى كەلمەيدى. العاشقى كەمەلەر قىزىل عالامشارعا قوسىمشا ميسسيالار ءۇشىن قاجەتتى ماتەريالدار مەن جابدىقتاردى جەتكىزەدى دەپ كۇتىلۋدە. العاشقى كەمەلەر مارسقا باراتىن ادامدار ءۇشىن قاجەتتى قۋات كوزدەرى، سۋ ىزدەيتىن قۇرىلعىلار، مارستىقتاردىڭ قونىستانۋى مەن جەرگە ورالۋى ءۇشىن قاجەتتى جانارماي مەن وتتەگىنى اپارادى.
2018 -جىلدىڭ تامىز ايىندا SpaceX Mars ميسسياسىنىڭ جەتەكشى ينجەنەرى پول ۆۋستەر قىزىل پلانەتاعا العاشقى كەمەلەر قالاي ۇشىرىلاتىنى جونىندە كەيبىر مالىمەتتەرمەن ءبولىستى. ۆۋستەردىڭ ايتۋىنشا، العاشقى ەكى ۇشقىشسىز جۇك ميسسياسى قازىردە سۋ بار دەپ بولجام جاسالعان پلانەتانىڭ سولتۇستىك ايماعىنا قونادى. ونداعى روبوتتار بولاشاقتا ۇشىپ كەلەتىن كەمەلەر ءۇشىن قونۋ الاڭدارىن سالاتىن بولادى.
2023 -جىل: ادامدى BFR زىمىرانى ارقىلى اي ماڭىنا ۇشىرۋ قىركۇيەكتە ايعا العاش بولىپ ۇشاتىن ءتۋريستىڭ ەسىمى بەلگىلى بولعان ەدى. جاپوندىق ميللياردەردىڭ قانشا تولەگەنى ازىرگە قۇپيا. ءبىراق ونىڭ بىرنەشە ميلليون دوللار تولەيتىنى انىق. سونىمەن بىرگە يۋساكۋ مەدزاۆا ايعا ۇشاتىن BFR بورتىنداعى بارلىق ورىندى ساتىپ العان. وزىمەن بىرگە 6-8 ونەر ادامدارىن الىپ ۇشپاقشى. بۇل ساياحات - BFR زىمىراندارىنىڭ شىنىمەن دە جۇمىس ىستەيتىنىن دالەلدەيتىن ساياحات بولماقشى. "ول سونشاما اقشانى بەكەرگە تولەپ وتىرعان جوق. يۋساكۋ بولاشاقتا ادامدار باسقا عالامشارعا ۇشۋ ءۇشىن دە العاشقى قادامدى جاساپ وتىر"، - دەگەن ەدى ماسك.
2024 -جىل: مارسقا العاشقى ادامدى ۇشىرۋ قاجەتتى جابدىقتاردى جەتكىزگەننەن كەيىن SpaceX قىزىل عالامشارعا 1 نەمەسە 2 عارىشكەردى ۇشىرماقشى. ۆۋستەردىڭ ايتۋىنشا، 100 توننادان جۇك جەتكىزگەن العاشقى ەكى كەمە مارستىقتار قىزىل عالامشاردا قالىپ كەتكەن جاعدايدا، قولايلى ءومىر ءسۇرۋ ءۇشىن بارلىق مۇمكىندىكتى قاراستىرادى.
2025 -جىل: العاشقى مارستىقتى قىزىل عالامشارعا قوندىرۋ مارسقا ساپار 6-9-اي ارالىعىندا بولۋى مۇمكىن. سونشاما ۋاقىت عارىش كەمەسىندە ءومىر ءسۇرۋ عارىشكەرلەرگە وڭاي تيمەسى انىق. ۆۋستەر بۇل تۋرالى: "وسى جىلدىڭ تامىزىنان باستاپ مارسقا ۇشاتىن كەمەنىڭ پروتوتيپىندە عارىشكەرلەر تاجىريبە ءۇشىن ءومىر ءسۇرۋدى باستاپ كەتتى"، - دەپ مالىمدەدى.
2028 -جىل: Mars Base Alpha بازالىق قۇرىلىسىن اياقتاۋ ماسك وسى جىلدىڭ ناۋرىز ايىندا Mars Base Alpha بازاسىن مارستا 2028 -جىلى سالىپ بىتەتىنىن ءمالىم ەتتى. "بۇل ەڭ نەگىزگى ينفراقۇرىلىمدى قۇرۋدان باستالادى: وتىن ءوندىرۋ ستانتسياسى، ەلەكتر ستانسياسى، ازىق- تۇلىك ءوسىرۋ ءۇشىن جىلىجايلار ت. ب
- بۇلارسىز مارسيانيندىقتىڭ ءومىر ءسۇرۋى مۇمكىن ەمەس"، - دەدى ماسك تۆيتتەر پاراقشاسىندا.
2030 -جىلدار: العاشقى مارسيانيندىقتار ءۇشىن قالا قۇرىلىسىن باستاۋ ەگەر، ماسكتىڭ جوسپارلارى جۇزەگە اسسا، بولاشاقتا ول قىزىل عالامشاردا قالا قۇرىلىسىن باستاماقشى. ماسكتىڭ، ايتۋىنشا ادامدار مارسيانين اتانۋى ءۇشىن قۇنى 200 مىڭ دوللار تۇراتىن بيلەتتەردى ساتىپ الا الادى. شامامەن بولاشاقتا مۇنداي بيلەتتىڭ ميلليون داناسى ساتىلۋ كوزدەلىپ وتىر. ماسكتىڭ مالىمەتىنشە، بولاشاقتا مارستا ءبارى بولادى. ۇلكەن زاۋىتتاردان باستاپ، ويىن- ساۋىق دەمالىس ورىندارىنان دەيىن سالىنادى ەكەن.
2100 -جىلدار: مارستى جەرگە ۇقساس پلانەتاعا اينالدىرۋ بولاشاقتا ميلليون تۇرعىنى بار مارس عالامشارىن جەرگە ۇقساتۋ جوسپارى ءتۇزىلىپ جاتىر. مارستا جەردەگىدەي اۋا قالىپتاستىرىپ، وندا باۋ- باقشا وسىرۋگە مۇمكىندىك بار ما، جوق پا، بەلگىسىز. NASA اگەنتتىگىنىڭ ايتۋىنشا، بۇل مۇمكىن ەمەس. قىزىل عالامشاردا وتتەگى قالىپتاستىرۋ ءۇشىن قاجەتتى دەڭگەيدە ماگنيتتىك ءورىس پەن گازدار جوق. "ءبىراق تاجىريبە جاساپ كورۋ كەرەك" دەيدى ماسك. تەك تاجىريبە عانا ونىڭ بولاتىنىن نەمەسە بولمايتىنىن انىقتاۋعا مۇمكىندىك بەرەدى. كىم بىلەدى، مۇمكىن ماسك نەمەسە ونىڭ ءىزباسارلارى الىس بولاشاقتا وسىنداي تاجىريبەلەردى جۇزەگە اسىرۋى عاجاپ ەمەس.
Massaget.kz