پەتروپاۆلداعى سىنىق پۋنكتىنە ەكى كۇن ىشىندە 100 ادام تۇسكەن

پەتروپاۆل. قازاقپارات - پەتروپاۆل قالالىق №3 -اۋرۋحاناسىنىڭ تراۆماتولوگيا پۋنكتىنە ەكى كۇننىڭ ىشىندە 100 ادام كەلگەن، دەپ حابارلايدى قازاقپارات ءتىلشىسى.

كۇن سايىن تراۆماتولوگياعا 50 ادام كەلەدى. تراۆماتولوگيالىق پۋنكتىنىڭ مەڭگەرۋشىسى، تراۆماتولوگ- دارىگەر ۆالەري گريباشوۆتىڭ ايتۋىنشا، بىلتىرمەن سالىستىرعاندا بيىل زارداپ شەگۋشىلەر سانى ەكى ەسە از.

«كوكتايعاق كەزىندە بولاتىن جاراقاتتار بار، ول - «جارىق» سىنىعى، ياعني يىقتىڭ سىنۋى. بۇل ادامداردىڭ قۇلاعان كەزدە قولىمەن جەردى تىرەۋىنەن پايدا بولادى. ءبىر تاۋلىك ىشىندە يىق جاراقاتىن العان 7 ادام كەلدى. بارلىعى مۇزعا تايىپ، كوشەدە قۇلاعاندار. كەلەسى كۇنى دە 7 ادام ءتۇستى. ولاردىڭ باسىم بولىگى 60-70 جاستان اسقان ەگدە جاستاعى ادامدار»، - دەدى ۆ. گريباشوۆ.

جەدەل ەمدەۋدە ءبىر ناۋقاس جاتىر. قالعاندارىنا رەپوزيتسيا جاساپ، امبۋلاتورلىق ەم قابىلداۋ ءۇشىن ۇيلەرىنە جىبەرگەن.