سولتۇستىك قازاقستان وبلىسى سابان جاعاتىن قازاندىق ارقىلى 100 ميلليون تەڭگە ۇنەمدەيدى

پەتروپاۆل. قازاقپارات - سولتۇستىك قازاقستان وبلىسىندا بيوماسسا جاعاتىن 73 قازاندىق ورناتىلدى، دەپ حابارلايدى قازاقپارات.

 بۇل تۋرالى وبلىستىق اكىمدىكتىڭ وتىرىسىندا وبلىس اكىمىنىڭ ورىنباسارى انتون فەديايەۆ ءمالىم ەتتى. ونىڭ دەرەگى بويىنشا، 73 قازاندىقتىڭ ءبارى جۇمىس ىستەپ تۇر. ولارعا 82 نىسان، سونىڭ ىشىندە 26 بيۋدجەتتىك ۇيىم قوسىلدى.

وڭىردە سابان جاعاتىن قازاندىقتى ورناتۋ جۇمىستارى 2015 -جىلى باستالدى. بيىل جىلىتۋدىڭ وسى تۇرىنە 70 نىسان قوسۋ جوسپارلانۋدا.

«ەكى اۋدانداعى بيوماسسامەن جۇمىس ىستەيتىن ءتورت قازاندىق جوندەلدى. مونتاج جۇمىستارى جۇرگىزىلىپ جاتىر جانە ءتورت اۋدانداعى 25 نىسان قوسىلدى. ەسەپ بويىنشا، 25 بيۋدجەتتىك ۇيىم 14 مىڭ توننا كومىردى ۇنەمدەيدى. بۇل 100 ميلليون تەڭگە»، - دەدى ا. فەديايەۆ.

 ءوڭىر باسشىسى وسى باعىتتاعى مۇددەلى قۇرىلىمدارعا جۇمىستى كۇشەيتۋدى تاپسىردى.