ورالدا «100 جاڭا ەسىم» جەڭىمپازىنىڭ كىتابى جارىق كوردى
«تۋعان جەر» باعدارلاماسى اياسىندا قالاداعى «پوليگرافسەرۆيس» باسپاسىنان باسىلىپ شىققان كىتاپقا اۆتوردىڭ ءوزى ءوسىپ-ونگەن بەلەس اۋىلىنىڭ تاريحى، اكەسى، ۇلى وتان سوعىسىنىڭ ارداگەرى، « قىزىل جۇلدىز» وردەنىنىڭ يەگەرى سارى ءايتىموۆتىڭ ءومىر جولى، ونىمەن جۇمىستاس بولعان ارداگەرلەر تۋرالى جانە اقسەرىك سارى ۇلىنىڭ ادامگەرشىلىك كەلبەتىن پاش ەتەتىن ماتەريالدار توپتاستىرىلعان.
باتىس قازاقستاننىڭ زەلەنوۆ اۋدانىندا كىندىك قانى تامعان، قازىرگى تاڭدا «قاز ي ي ت ۋ» عىلىمي- ءبىلىم كەشەنىنىڭ قۇرىلتايشىسى، تەحنيكا عىلىمدارىنىڭ كانديداتى، ق ر ينجەنەرلىك اكادەمياسى ب ق و فيليالىنىڭ ءتوراعاسى، ق ر ءبىلىم بەرۋ ءىسىنىڭ قۇرمەتتى قىزمەتكەرى، «قۇرمەت» وردەنىنىڭ يەگەرى اقسەرىك سارى ۇلى تۋعان جەرىمەن بايلانىسىن ۇزگەن ەمەس. سوندىقتان جاڭا كىتابىنىڭ تۇساۋكەسەرىن وسى اۋدانداعى بەلەس اۋىلىندا وتكىزۋى زاڭدى ەدى.
شارادا اۋدان اكىمى اسحات شاحاروۆ اقسەرىك سارى ۇلىن جاڭا كىتابىنىڭ جارىققا شىعۋىمەن قۇتتىقتاپ، ونىڭ ماڭىزدىلىعىنا توقتالدى.
«ءسىز قازاق ەلىنىڭ ءبىلىم جانە عىلىم سالاسىندا ءوزىن تانىتا بىلگەن ايتۋلى تۇلعالاردىڭ ءبىرىسىز. ءاردايىم تۋعان جەرىڭىزبەن بايلانىسىڭىزدى ۇزبەي، ادامدارىنا قولۇشىن بەرىپ كەلەسىز. ءوز كىتابىڭىزدا دا تۋعان اۋىلىڭىزدى كەڭىنەن قامتىپ وتىرسىز. بۇل - ەلگە دەگەن ۇلكەن قۇرمەت. ءسىزدى اۋدان حالقى دا ءاردايىم ماقتان تۇتادى»، دەدى ا. شاحاروۆ.
تۇساۋكەسەر راسىمىنە وبلىستىق ءماسليحات حاتشىسى مالىك قۇلشار، جازۋشى، قازاقستان جازۋشىلار وداعىنىڭ مۇشەسى ميرا شۇيىنشاليەۆا، اقىن زاكاريا سيسەنعالي جانە باسقالار قاتىسىپ، اقسەرىك سارى ۇلىنىڭ شىعارماشىلىق قىزمەتىنە تابىس تىلەدى.
كەزدەسۋ بارىسىندا اقسەرىك ءايتىموۆ ءوزىنىڭ تالىمگەرى، بەلەس اۋىلىندا مەكتەپ ديرەكتورى قىزمەتىن اتقارعان ەڭبەك ارداگەرى مايدان جۇباندىقوۆقا قۇرمەت كورسەتىپ، اۆتوكولىكتىڭ كىلتىن تابىس ەتتى.
