سالماعى 100 كەلىلىك قابان زەينەتكەردى ءولتىرىپ، ونىڭ كەلىنىنە شابۋىل جاسادى - كەسكىن
بۇل تۋرالى Stan.kz حابارلايدى.
زەينەتكەر كومىر جيناۋ ءۇشىن قوراعا بارعان كەزدە، وعان قابان شابۋىل جاساعان. ەگدە جاستاعى ادام جابايى اڭنان قورعانۋ ءۇشىن، ونى قولىنداعى كۇتەگىمەن ۇرعان.
الايدا، قابان ەر ادامعا شابۋىل جاساپ، بىرنەشە مينۋتتان سوڭ زەينەتكەرگە قارسى قاتتى سوققى بەرگەن. جاراقات سالدارىنان ەگدە ادام وقيعا ورنىندا جان تاپسىردى. EtToday.com-نىڭ حابارلاۋىنشا، كوز جۇمعان زەينەتكەردىڭ كەلىنى دە جابايى اڭدى توقتاتۋعا تىرىسقان. ءبىراق، قابان جاس قىزعا شابۋىل جاساپ، ونى جاراقاتتاعان.
ۆيدەودا وقيعانىڭ كۋاگەرلەرى ۇيلەرىندە جاسىرىنىپ وتىرعانى، سونداي- اق كوشەدە قوزعالىسسىز جاتقان ەكى ادامنىڭ دەنەسى كورسەتىلگەن. قابان سول ۋاقىتتى ادامدار جاسىرىپ وتىرعان ءۇيدىڭ ەسىگىن بۇزۋعا تىرىسقان.
كوپ ۇزاماي وقيعا ورنىنا قىتاي پوليتسياسى كەلىپ، سالماعى 100 كەلى بولاتىن قاباندى اتىپ ءولتىردى.
جارالانعان ايەل اۋرۋحاناعا جەتكىزىلدى. دارىگەرلەر ناۋقاستىڭ جاعدايى ءبىرقالىپتى ەكەنىن مالىمدەدى. الايدا، شابۋىلدان قاتتى زاقىم العان زەينەتكەردى قۇتقارۋ مۇمكىن بولماعان.
