استانا اكىمدىگى وقۋ جىلى باستالعالى 100 ستۋدەنتتىڭ وقۋ اقىسىن تولەدى

استانا. قازاقپارات - جاڭا وقۋ جىلىندا قالا اكىمىنىڭ جالپى ءبىلىم بەرۋ گرانتىن 32 مەكتەپ تۇلەگى العان، دەپ حابارلايدى ەلوردا اكىمدىگىنىڭ مەديا ورتالىعى قالامىزداعى جۇمىسپەن قامتۋ، ەڭبەك جانە الەۋمەتتىك قورعاۋ باسقارماسىنا سىلتەمە جاساپ.

«2017-2018 وقۋ جىلىندا جالپى ءبىلىم بەرەتىن اكىم گرانتىن الەۋمەتتىك وسال وتباسىلاردان شىققان 32 بالا الدى. ونىڭ 7 - جەتىم بالا، 3 - اتا- اناسىنىڭ قامقورلىعىنسىز قالعان بالا، 8  بالالار ءۇيىنىڭ تاربيەلەنۋشىسى، ەكەۋى بالا كۇننەن مۇگەدەك، 80  كوپبالالى وتباسىدان شىققان»، - دەپ حابارلايدى ۆەدومستۆا.

2017 وقۋ جىلىندا اكىمنىڭ گرانتىن 32 مەكتەپ تۇلەگى يەلەندى، ونىڭ اراسىندا ءبىر جەتىم بالا، قالعان 31 كوپبالالى وتباسىلاردان شىققان.

«قالا اكىمدىگى جىل سايىن 2004 -جىلدان بەرى قالاداعى مەكتەپ تۇلەكتەرىنە، اتاپ ايتقاندا جەتىم بالالارعا، بالا كەزىنەن مۇگەدەكتەرگە، بالالار ءۇيىنىڭ تاربيەلەنۋشىلەرىنە، اتا- اناسىنىڭ قامقورلىعىنسىز قالعاندارعا، كوپبالالى وتباسىنىڭ بالالارىنا ەڭبەك نارىعىنا قاجەتتى مامانداردى كوپتەپ وقىتۋ ءۇشىن اكىمنىڭ گرانتى بولىنەدى»، - دەلىنگەن ۆەدومستۆودا.

 2008 -جىلدان بەرى ديپلوم العان مامانداردىڭ سانى قازىرگى تاڭدا 296 قىز- جىگىتكە جەتتى، ونىڭ ىشىندە 27- ءسى بىلتىر وقۋ ورنىن اياقتاپ شىقتى.

استانا اكىمىنىڭ ءبىلىم گرانتى ەلوردانىڭ ەڭبەك نارىعىنا اسا قاجەت مامانداردى وقىتۋ ءۇشىن بولىنەدى. اقشالاي گرانت ءۇش كۇندىك تابىستان اسپايتىن ورتا ەسەپتەگى وتباسىنىڭ تابىسىنا قاراي تولەنەدى.

تەحنيكالىق، پەداگوگيكالىق جانە مەديتسينالىق ماماندىقتارعا باسىمدىق بەرىلەدى.