قازاقستاننىڭ 100 جىل بۇرىنعى كارتاسى تابىلدى - فوتو

استانا. قازاقپارات - اقمولا وبلىسىنان قازىرگى قازاقستان اۋماعىنداعى ەلدى مەكەندەردىڭ كارتاسى تابىلدى، دەپ حابارلايدى «قازاقپارات» ح ا ا ءتىلشىسى اكىمنىڭ كەڭەسشىسى مارات يعاليگە سىلتەمە جاساپ.

ول وسى جاڭالىقتى فەيسبۋكتە بولىسكەن.

قازىر گەوگرافيالىق كارتا ءوڭىردىڭ وبلىستىق ارحيۆىندە تۇر. ونى 1894-جىلى گەنەرال-مايور بولشيەۆتىڭ باسشىلىعىمەن اسكەري توپوگرافتار كورپۋسى جاساپ، 1919-جىلى وزگەرتۋلەر ەنگىزىلگەن.

«قۇجات اقمولا وبلىسى اۋداندارىنىڭ بىرىنەن كەزدەيسوق تابىلدى. كارتا قازاقستان تاريحىن زەرتتەۋشىلەرگە قۇندى دەرەك بولاتىنىنا سەنىمدىمىن. ارنايى زەرتتەۋ جۇمىسىن ۇيىمداستىرامىز (...). كارتا بىرەگەي ءارى تولىقتاي جاسالعان. الداعى ۋاقىتتا، قىسقى دەمالىس اياقتالىسىمەن وسى باعىتتاعى جۇمىستى باستاۋعا بەل بۋىپ وتىرمىز. باستىسى - ۇمىت بولا باستاعان تاريحي ەلدى مەكەندەردىڭ دەرەكتەرىن قالپىنا كەلتىرۋ (...). كارتا جاقسى ساقتالماعان، سوندىقتان الدىمەن قالپىنا كەلتىرۋدى تالاپ ەتەدى»، - دەدى مارات يعالي.