پارامەن ۇستالعان ب ا ا حانزادالارى ءوز ەرىكتەرىمەن قازىناعا 100 ميلليارد دوللار قايتاردى
استانا. قازاقپارات - جەمقورلىق بابى بويىنشا ايىپتالعان حانزادالاردىڭ 95 پايىزى قازىنادان ۇرلانعان اقشانى سوت وتىرىسى باستالعانعا دەيىن قايتارىپ بەرۋگە كەلىسكەن، - دەپ حابارلايدى The New York Times.
مۇراگەر مۇحاممەد بەن سالمان ال ساۋد جەمقورلىق بابى بويىنشا ايىپتالعان حانزادالاردىڭ ءىستى سوتقا جەتكىزبەۋگە بەكىنىپ وتىرعانىن ايتتى. ياعني حانزادالاردىڭ بارلىعى بوستاندىققا قول جەتكىزۋ ءۇشىن اكتيۆتەرىن قازىناعا سالماق.
تاق مۇراگەرىنىڭ ايتۋىنشا، 2015 -جىلى بيلىك پارا الىپ جۇرگەن شەندىلەردى قۇرىقتاۋ تۋرالى شەشىم شىعارعان. ناتيجەسىندە 200 ادامنىڭ اتى اتالعان ءتىزىم قۇراستىرىلعان.
«ءبىز ولارعا قولىمىزدا بار ايعاقتار مەن قۇجاتتاردى كورسەتتىك. ولاردىڭ 95 پايىزى قازىناعا اقشانى قايتارۋعا كەلىسىپ وتىر»، - دەيدى مۇحاممەد بەن سالمان ال ساۋد.
The New York Times باسىلىمىنىڭ حابارلاۋىنشا، حانزادالاردىڭ 1 پايىزى وزدەرىنىڭ كىناسىز ەكەندەرىن دالەلدەگەن. قالعان 4 پايىزى كىنالارىن مويىنداماي وتىر. ناتيجەسىندە قازىناعا 100 ميلليارد دوللار كولەمىندە اقشا قايتارىلعان.
baq.kz
