قازاقستاننىڭ «100 جاڭا ەسىمى» جوباسىنىڭ ارالىق قورىتىندىسى شىعارىلدى

 استانا. قازاقپارات - «قازاقستاننىڭ 100 جاڭا ەسىمى» جوباسىنىڭ ارالىق قورىتىندىسى شىعارىلدى. بۇل تۋرالى بۇگىن «قازاقستاننىڭ 100 جاڭا ەسىمى» جوباسى بويىنشا جۇمىس جانە ساراپشىلىق توپتىڭ كەزەكتى وتىرىسىندا ق ر اقپارات جانە كوممۋنيكاتسيالار ءمينيسترى داۋرەن ابايەۆ ايتتى، دەپ حابارلايدى قازاقپارات.
None
None

 «قازىرگى ۋاقىتتا ىرىكتەۋ ارقىلى 515 كانديداتتان تۇراتىن ارالىق پۋل جاساقتالدى. بۇعان قوسا، ارنايى كوميسسيانىڭ ءاربىر مۇشەسى اتالعان تاڭداۋدى شەكتەمەي، كانديداتتاردىڭ جالپى سانىنان ءوزىنىڭ پايىمىنشا، بارىنشا لايىقتى دەگەندەردى دەربەس قوسا الادى. بارلىق وتىنىمدەر 100esim.el.kz پورتالىندا ورنالاستىرىلعان»، - دەدى ابايەۆ.

ونىڭ ايتۋىنشا، ارنايى كوميسسيا 515 ادامنىڭ ىشىنەن 300 كانديداتتى ىرىكتەپ الادى جانە ولار جالپى حالىقتىق داۋىس بەرۋگە ۇسىنىلاتىن بولادى.

«سىزدەردەن قازان ايىنىڭ باسىنا جوسپارلانىپ وتىرعان قوعامدىق ونلاين داۋىس بەرۋگە قاتىسۋ ءۇشىن 300 كانديداتتان تۇراتىن ءتىزىمدى قالىپتاستىرۋ بويىنشا ۇسىنىس كۇتەمىز. وسىلايشا، الدىن الا 220 كانديدات ىرىكتەپ الىنسا، ەندىگى ۋاقىتتا جۇمىس توبى 515 كانديداتتان 300- ءىن تاڭداۋىن كۇتەتىن بولامىز. وسى 300 كانديدات ونلاين داۋىس بەرۋگە شىعارىلادى. مەنىڭشە، بارلىق قازاقستاندىق ءوز داۋىسىن بەرە الادى. بۇل پروتسەسكە بەلسەنە قاتىسۋعا شاقىرامىز. حالىقتىق داۋىس بەرۋدى قازان ايىنىڭ سوڭىنا قاراي اياقتاپ، بارلىق ساناق جۇرگىزىلگەننەن كەيىن قازاقستاننىڭ 100 ەسىمىنىڭ سوڭعى نۇسقاسىن جاريالايتىن بولامىز»، - دەدى مينيستر.

اۆتور: مارلان جيەمباي

«Қазақстанның 100 жаңа есімі» жобасының аралық қорытындысы шығарылды

سوڭعى جاڭالىقتار