ەلورداداعى ازىق-تۇلىك ونىمدەرى 100 پايىز تازا

استانا. قازاقپارات - استانا قالالىق قوعامدىق دەنساۋلىق ساقتاۋ دەپارتامەنتىنىڭ ۇيىتقى بولۋىمەن «استانالىق» بازارى اۋماعىندا «قاۋىپسىز ءونىمدى تاڭدا!» ناۋقانى وتكىزىلۋدە.
None
None

شارا اياسىندا بازاردان كەز كەلگەن ازىق-تۇلىك ءونىمىن ساتىپ العان ادام ونىڭ قاۋىپسىزدىگىن ارنايى اپپاراتتار ارقىلى تەكسەرۋ مۇمكىندىگىنە يە، دەپ حابارلايدى قازاقپارات.

«بۇل شارا تامىز ايىنان بەرى ەلوردالىقتاردىڭ ساتىپ العان كوكونىستەرىنىڭ، جەمىس-جيدەكتەرىنىڭ، ءسۇت جانە ەت ونىمدەرىنىڭ تازالىعىنا كوز جەتكىزۋى ءۇشىن وتكىزىلىپ وتىر. ايىنا ەكى رەت استانانىڭ ءىرى ساۋدا ورتالىقتارىندا وتكىزىلۋدە. بۇگىنگى كۇنگە دەيىن قاۋىپتى دەيتىندەي ازىق-تۇلىك تۇرلەرى انىقتالعان جوق»، - دەدى شارا اياسىندا ب ا ق وكىلدەرىنە سۇحبات بەرگەن استانا قالاسى الماتى اۋداندىق قوعامدىق دەنساۋلىقتى ساقتاۋ باسقارماسى باسشىسىنىڭ ورىنباسارى گاۋحار شاپاتايەۆا.

ونىڭ ايتۋىنشا، كەلەسى اكسيا «شاپاعات» كوممۋنالدىق بازارىندا، «ەۋرازيا»، «اسەم» ساۋدا ورتالىقتارىندا وتكىزىلەتىن بولادى. قازىرگى ۋاقىتتا بازارعا كەلگەن ءاربىر ساتىپ الۋشىعا شۇعىل زەرتحانالىق زەرتتەۋلەردىڭ كومەگى ارقىلى كوكونىستەر مەن جەمىس-جيدەكتەردەگى نيتراتتار مولشەرىن تەگىن تەكسەرۋگە، تاماق ونىمدەرىنىڭ تەرمينالدىق وڭدەلۋىن باقىلاۋعا، بالىقتىڭ، شۇجىقتىڭ، بالدىڭ جانە باسقا دا ازىق-تۇلىك تۇرلەرىنىڭ تابيعيلىعىن انىقتاۋعا مۇمكىندىك بەرىلەدى.

اۆتور: مارلان جيەمباي

سوڭعى جاڭالىقتار