الماتى وبلىسىندا اپاتقا ۇشىراعان ۇشاق 100 مەتر بيىكتىكتەن قۇلاعان
اۋە كەمەسىندەگى ۇشقىش اناتوليي فەدوروۆيچ مەنچيكوۆ وقيعا ورنىندا كوز جۇمدى، دەپ حابارلايدى قازاقپارات ءتىلشىسى.
مارقۇم بولعان ازامات 1954-جىلى 20- جەلتوقساندا دۇنيەگە كەلگەن. الماتى قالاسىنىڭ تۇرعىنى. ال ۇشاقتىڭ ىشىندەگى جولاۋشى 1982-جىلعى ورىنعالي ءابدىقايىر ۇلى زىكىربايەۆ. ول بالقاش اۋدانىنداعى قاراوي اۋىلىنىڭ تۇرعىنى.
ونىڭ اياعى جاراقاتتانعان. 35 جاستاعى ازامات تىكۇشاقپەن الماتى قالاسىنداعى 7№ اۋرۋحاناعا جەتكىزىلگەن. قازىر ناۋقاس سول جەردە ەم قابىلداپ جاتىر. قۇزىرلى ورگاننىڭ مالىمەتىنشە، ۇشاق الماتى قالاسى ماڭىنداعى بۇرىنداي ەلدى-مەكەنىنەن ۇشىپ شىققان.
اپات بالقاش اۋدانىنداعى جيدەلى اۋىلدىق وكرۋگىنە قاراستى «اقشاعىل» شارۋا قوجالىعى ماڭىندا بولعان. بولجام بويىنشا، ۇشاقتىڭ قوزعالتقىشى ىستەن شىققان. 100 مەتر بيىكتىكتەن قۇلاعان ەكى كىسىلىك اۋە كەمەسى ورتەنبەگەن، تەك بولشەكتەرى سىنعان.
اۆتور: سامال قابىشەۆا