قىتايداعى كوشكىننەن 100 دەن اسا ادام ءىز-ءتۇزسىز جوعالدى
استانا. قازاقپارات - قىتايدىڭ سىچۋان پروۆينسياسى ماوسيان ۋەزدىندە كوشكىننىڭ سالدارىنان جۇزدەگەن ادام ۇيىندىلەر مەن باتپاقتىڭ استىندا قالدى، دەپ حابارلايدى bbc.com سايتى.
ۋەزدەگى اۋىلداردىڭ بىرىندە 40 قا جۋىق ءۇيدىڭ تابيعي اپاتتىڭ سالدارىنان قيراعاندىعى ءمالىم بولىپ وتىر. قازىر زارداپ شەككەن ايماقتا ىزدەۋ- قۇتقارۋ وپەراتسياسى جۇرگىزىلىپ، اپاتتان ءتىرى قالعانداردى ىزدەستىرۋدە. كوشكىن توقتاۋسىز جاۋعان جاڭبىردان كەيىن تاۋ جىنىستارىنىڭ قۇلاۋى سالدارىنان بولعان. قۇلاعان تاۋ جىنىستارى 2 شاقىرىم ۋچاسكەدەگى وزەن ارناسىن بىتەپ تاستاعان.
