قازاقستان ەكسپو كورمەسىن وتكىزگە 100 پايىز دايىن
«استانا ەكسپو-2017» ۇ ك» ا ق باسقارۋشى ديرەكتورى بەيبىت قارىمساقوۆ ءوز سوزىندە كورمەنىڭ اشىلۋىنا تۋرا ءبىر اپتاداي ۋاقىت قالعاندىعىن ەسكە سالىپ ءوتتى. ونىڭ ايتۋىنشا، بارلىق نىساندار كورمەگە دايىن. دەگەنمەن، كورمە اۋماعىن اباتتاندىرۋعا قاتىستى بىرەن- ساران جۇمىستار عانا قالىپ وتىر.
«سوڭعى بىرنەشە اپتا بويى ءبىز كوپتەگەن وقۋ- جاتتىعۋ وتكىزىپ، توتەنشە جاعدايلارعا دايىندىق جۇرگىزدىك. بۇگىنگى نەگىزگى دايىندىق بارىسىنا كورمەنىڭ بۇكىل اۋماعى جۇمىلدىرىلادى. اتاپ وتەرلىگى، 10- ماۋسىمعا دەيىن كورمە اۋماعى كەلۋشىلەر ءۇشىن جابىق بولادى»، - دەدى ول.
كوممەرتسيالاندىرۋ دەپارتامەنتىنىڭ ديرەكتورى داۋرەن ەركىمبەكوۆ بۇگىن ۇلتتىق كومپانيا مەن مەردىگەر ۇيىمداردىڭ قىزمەتكەرلەرى شاقىرىلعاندىعىن، ولارعا تەگىن بيلەتتەر تۋرنيكەت جۇيەسىن تەكسەرۋ ءۇشىن بەرىلگەندىگىن ايتتى. حالىقارالىق قاتىسۋشىلارمەن جۇمىس دەپارتامەنتىنىڭ ديرەكتورى ءىليا ورازاقوۆ حالىقارالىق قاتىسۋشىلاردىڭ 126 مىڭ شارشى مەتر پاۆيلونى تولىق دايىن ەكەندىگىن اتاپ ءوتتى.
«قازىرگى ۋاقىتتا 4,5 ەل عانا قالدى. ولار وزدەرىنىڭ قۇرىلىس- مونتاجداۋ جۇمىستارىن اياقتايدى. ءبىز حالىقارالىق قاتىسۋشىلاردىڭ وپەراتسيالىق قۇرامىن دەر ۋاقىتىندا جاساقتادىق. ءاربىر پاۆيلوننىڭ 30-دان 150-گە دەيىن قىزمەت كورسەتەتىن قىزمەتكەرلەرى بار. ولاردىڭ بارلىعى دا استانادا، بەلسەندى جۇمىستارىن باستادى. بۇگىن ءبىزدىڭ قاتىسۋشىلارىمىز 11 پاۆيلونعا بارا الادى»، - دەدى ورازاقوۆ.
«جوسپارلانعان بارلىق ءىس- شارالار تولىق كولەمدە ورىندالدى. قاجەتتى بارلىق قۇرال- جابدىقتار ساتىپ الىنىپ، ورناتىلدى. بەينە باقىلاۋ، دابىل جانە كىرىپ- شىعۋدى باسقارۋ جۇيەلەرىنىڭبارلىعى ورناتىلىپ، 100 پايىز دايىن بولدى. قاۋىپسىزدىكتى قامتاماسىز ەتۋگە جۇمىلدىرىلعان بارلىق قىزمەتكەرلەر، ەڭ الدىمەن قۇقىق قورعاۋ ورگاندارى مەن جەكە كۇزەت قۇرىلىمدارىنىڭ قىزمەتكەرلەرى قاجەتتى وقىتۋ كۋرسىنان، تىلدىك دايىندىقتان وتكىزىلدى. جەكسەنبىلىك توپتاردى جاساقتاۋعا ءبىز بارىنشا نازار اۋداردىق. ءبىزدىڭ جەكسەنبىلىك توپتارىمىز 1 ساعاتتىڭ ىشىندە شامامەن 13 مىڭ ادامدى قابىلداي الادى. بۇل رەتتە كۇتۋ ۋاقىتى 30-40 مينۋتتان اسپايدى. بۇعان قوسا، جەكسەنبىلىك توپتارعا شەتەل ءتىلىن بىلەتىن ەرىكتىلەردى دە جۇمىلدىرىپ وتىرمىز»، - دەدى كەلەسى كەزەكتە ءسوز العان «استانا ەكسپو-2017» ۇلتتىق كومپانياسى قاۋىپسىزدىك دەپارتامەنتىنىڭ ديرەكتورى رۇستەم شاكەنوۆ.
ال اتالعان كومپانيانىڭ سەرۆيستىك قامتاماسىز ەتۋ دەپارتامەنتىنىڭ ديرەكتورى دياس ازبەرگەنوۆ بۇگىنگى نەگىزگى دايىندىق بارىسىندا كورمەنىڭ كولىكتىك قولجەتىمدىلىگىن سىناقتان وتكىزۋ جوسپارلانىپ وتىرعاندىعىن اتاپ ءوتتى.
«ول ۋاقىتشا تۇراقتارعا، قوعامدىق كولىكتەرگە، كولىك ايماعىنداعى جۇمىستارعا قاتىستى جايتتار. بۇل جۇمىستاردى ءبىز قالالىق اكىمدىكپەن جانە جول پوليتسياسىمەن بىرلەسىپ اتقارۋدامىز. مۇنان بولەك نەگىزگى دايىندىق بارىسىندا كورمە اۋماعىندا ورنالاستىرىلعان 7 مەديتسينالىق بەكەتتىڭ دە جۇمىسىن سىناقتان وتكىزۋدى جوسپارلاۋدامىز. 8 جەدەل جاردەم كولىگى تۇراقتى تۇردە كەزەكشىلىك اتقاراتىن بولادى. كورمە بارىسىندا جۇمىلدىرىلعان مەديتسينالىق قىزمەتكەرلەردىڭ جالپى سانى 210 قىزمەتكەردى قۇرايدى. ولاردىڭ قاتارىندا دارىگەرلەر، فەلدشەرلەر، رەانيماتولوگتار بار»، - دەدى ول.
سونىمەن قاتار كومپانيانىڭ كونتەنت جانە ءىس- شارالاردى ۇيىمداستىرۋ دەپارتامەنتىنىڭ ديرەكورى مارات وماروۆ ءوزى باسشىلىق جاسايتىن قۇرىلىمنىڭ باستى ماقساتى مەرەكەلىك شارالاردى ۇيىمداستىرۋ ەكەندىگىن ايتتى.
«بۇگىن ءبىز ءۇش الاڭدا 3 شارا وتكىزەتىن بولامىز. ولار ۇلتتىق كۇندەر، ەنەرگياحولى جانە امفيتەاتر الاڭدارىندا ۇيىمداستىرىلادى. بىزدە بارلىعى دا دايىن، تەحنيكا دا، ارتىستەر دە ساقاداي ساي»، - دەدى مارات وماروۆ.
ىلگەرىلەتۋ جانە تۋريزم دەپارتامەنتىنىڭ ديرەكتورى اللەن ءشايجۇنىسوۆ بۇگىن ەرىكتىلەرگە ارنالعان ۇلكەن شارانى وتكىزەتىندىكتەرىن اتاپ ءوتتى.
«بۇگىنگى كۇنى 4500 ەرىكتى ىرىكتەپ الىنىپ، دايىندالدى. 800 ەرىكتى قاراعاندى، قوستاناي، پاۆلودار وبلىستارىنان جانە الماتى قالاسىنان كەلدى. كۇن سايىن كورمە اۋماعىندا 1500 ەرىكتى جۇمىس ىستەيتىن بولادى. العاشقى اۋىسىم 10 - ماۋسىمنان باستاپ شىلدەنىڭ 1-ىنە دەيىن جۇمىس ىستەيدى. ودان كەيىن كەلەسى ايدىڭ اۋىسىمى كەلەدى جانە ءۇشىنشى اۋىسىم تامىزدان 10 - قىركۇيەككە دەيىن بولادى»، - دەدى ءشايجۇنىسوۆ.