الاش قوزعالىسىنىڭ 100 جىلدىعىنا ارنالعان قۇنان جارىستىڭ جەڭىمپازى انىقتالدى - كەسكىن
باۋىرجان ءامىرجانوۆتىڭ "زىمىران" اتتى سايگۇلىگى ءبىرىنشى كەلدى.
جۇلدەگە - تۇيە، دەپ حابارلايدى قازاقپارات ءتىلشىسى. دياس سەيسەنبايەۆتىڭ "بونۋس" اتى ەكىنشى ورىندى جەڭىپ الدى. اقسۋ اۋدانىنان كەلگەن جۇلدەگەرگە جىلقى بەرىلدى. ال ءۇشىنشى ورىندى ەگىنسۋلىق قۇمارعالي باياحمەتوۆكە بۇيىردى .
ول ءىرى قارانى قانجىعالادى. ال ءتورتىنشى بولىپ ەراسىل باۋىرجان ۇلىنىڭ "بايتورىسى" كەلدى. قۇنان بايگەدە 26 سايگۇلىك 9 شاقىرىمعا جارىستى. تالدىقورعاندىق تۇرعىن باۋىرجان بارلىبايەۆتىڭ تىكەلەي ۇيىمداستىرۋمەن وتكەن باسەكە جالعاسۋدا. ءقازىر شاباندوزدار الامان بايگەدە جارىسادى. 29 قۇلاگەر باق سىناسادى. الاش قوزعالىسىنىڭ 100 جىلدىعىنا ارنالعان شاراعا وليمپيادا چەمپيوندارى جاقسىلىق ۇشكەمپىروۆ، ەرماحان يبرايموۆ، اقجۇرەك تاڭاتاروۆ باستاعان ەل اعالارى قاتىسۋدا. سونداي-اق جارىسقا ارنايى كەلگەن "الاش ۇلى" توبى ونەر كورسەتۋدە.
اۆتور: سامال قابىشەۆا