استانادا 100 مىڭ جەڭىس لەنتاسى تاراتىلادى
قالا اكىمدىگىنىڭ اقپاراتى بويىنشا، 6 -مامىردا ەلوردادا 20000 لەنتا تاراتىلدى. 7 -مامىرداعى مالىمەتكە سايكەس، اكسياعا تاعى 15000 ادام قوسىلدى. ءۇش كۇن ىشىندە بارلىعى 100 مىڭ لەنتا تاراتۋ جوسپارلانعان.
«مامىردىڭ 6 سىنان 9 ىنا دەيىن قالانىڭ بەس نۇكتەسىندە لەنتالاردى تەگىن تاراتۋ ۇيىمداستىرىلادى. شارانىڭ باستى ماقساتى - وسكەلەڭ ۇرپاقتى وتانسۇيگىشتىككە تاربيەلەۋ، دەيدى قالالىق ىشكى ساياسات باسقارماسىنىڭ باسشىسى ەرلان قانالىموۆ. - وتان ءۇشىن وتقا تۇسكەن اتا- بابالارىمىزدىڭ جاۋىنگەرلىك ەرلىگىن قۇرمەتتەۋ. وسىناۋ جەڭىس كۇنىنە جەتكىزگەن اتالارىمىزعا، اكەلەرىمىزگە، انالارىمىزعا تاعزىم ەتەمىز».
لەنتالار 6-9 -مامىر ارالىعىندا 10:30 دان 18:30 عا دەيىن «بايتەرەك» مونۋمەنتىنىڭ الدىنداعى الاڭدا، «حان شاتىر» س و س و ماڭىندا، قالالىق الاڭدا، ستۋدەنتتەر باعىندا، «MegaSilkWay» ساۋدا ورتالىعىندا تاراتىلادى.
