بۇركىت يسپانياداعى قازاقستاندىق ستۋدەنتتەرگە 100 يەۆرودان ۇلەستىردى

استانا. قازاقپارات -  ءانشى بۇركىت يسپانيادا وقىپ جاتقان قازاقستاندىق ستۋدەنتتەرگە كومەك رەتىندە 100 يەۆرودان (34 مىڭ تەڭگە) تاستاپ كەتكەن.

بۇل تۋرالى بلوگشى الىشەر ەلىكبايەۆ ينستاگرامداعى پاراقشاسىندا جازدى. "بارسەلوناعا LG G6 پرەزەنتاتسياسىنا بارعان ساپارىمدا بۇركىتپەن جاقىنىراق تانىستىم"، -  دەپ جازدى ەلىكبايەۆ. "جانكۇيەرلەرىن جىلى قارسى الادى، ولار يسپانيادا دا بار بولىپ شىقتى، بارساداعى (بارسەلونا - رەد. ) قازاقستاندىق ستۋدەنتتەردىڭ تۇرمىسىنا 100 يەۆرودان قالدىردى. ياعني ناعىز ءمارت اعانىڭ ارەكەتىن جاسادى"، -  دەلىنگەن جازبادا.

بۇركىت ەسىمىمەن تانىلعان ايبەك سەيىتوۆ 1978 -جىلى تاراز قالاسىندا تۋعان. قوڭىر ۇنىمەن، وزگەشە اۋەنىمەن حالىقتىڭ ىستىق ىقىلاسىنا يە بولعان ءانشى بيزنەس سالاسىندا دا زور تابىسقا جەتكەن.

Massaget.kz