ىستامبۇلدا حاليفا التايدىڭ 100 جىلدىعى اتالىپ وتەدى
تۇركياداعى ميمار سينان كوركەمونەر ۋنيۆەرسيتەتىنىڭ پروفەسسورى، شوقايتانۋشى عالىم Abdulvahap Kara ءوزىنىڭ facebook تاعى جەكە پاراقشاسىنا: «2017 -جىلى 25 - ناۋرىز كۇنى بەلگىلى عۇلامانىڭ تۋعانىنا بيىل 100 تولۋىنا وراي وتەتىن شاراعا قازاقستاننان حاليفا التاي تۋرالى تۇرىك تىلىندە ىستامبۇلدا شىققان كىتاپتىڭ اۆتورى قازىبەك يسلامبەك، دۇنيەجۇزى قازاقتارى قاۋىمداستىعى حاتشىسى بوتاكوز ۋاتقان، ەۋرازيا ۋنيۆەرسيتەتى وتىرار عىلىمي زەرتتەۋ ورتالىعى ديرەكتورىنىڭ ورىنباسارى پروفەسسور، ت. ع. د. داناگۇل ماحات، حاليفا التايدىڭ الماتى، پاريج جانە ىستامبۇل قالالارىنان ءابدىراحيم التاي، ءابدىسامات التاي، مەشكۇرە جانە شەكۇرە سىندى پەرزەنتتەرى مەن جاقىن تۋىستارى قاتىسپاق.
تۇركيالىق عالىمدار مەن قوعام قايراتكەرلەرى دە بۇل شاراعا قاتىسىپ، حاليفا التايدىڭ ءومىرى مەن ەڭبەكتەرى، تۇركى دۇنيەسىندەگى ورنى جانە 100 جىلدىعىنا بايلانىستى تۇركيا، قازاقستان جانە ەۋروپا ەلدەرىندە اتقارىلاتىن ءىس- شارالار تۋرالى مالىمەتتەر بەرىلەدى.
شارا اياعىندا حاليفا التاي جانە تۇركى- مۇسىلمان الەمىنىڭ ۇلى تۇلعالارى ءۇشىن قۇران حاتىم ساۋابى باعىشتالىپ، دۇعا ەتىلەدى. قوناقتارعا قازاق تاعامدارىنان ءدام تاتقىزىلاتىن بولادى» ، دەپ جازدى.
Baq.kz
