ساتىلۋعا جاتاتىن تاعى 100 مەملەكەتتىك كاسىپورىن تابىلدى
«جەكەشەلەندىرۋگە 783 نىسان ەنگىزىلدى. دەگەنمەن جىل سايىن ءبىز قايتا تەكسەرىستەر جاساپ، بۇل ءتىزىمدى كەڭەيتۋدەمىز. بيىل ءبىز 100 گە تارتا، مۇمكىن ودان دا كوپ نىساندى قوسىمشا ەنگىزەتىن بولامىز. جالپى ەكى جىلدا جەكەشەلەندىرۋ اياسىندا 150 نىسان ساتىلىپ كەتتى. مۇندا ءبىر ماسەلەنى تۇسىنگەن ءجون، نىساندى دايىندىقتان وتكىزبەي، بەلگىلى ءبىر مىندەتتەمەلەردەن تازارتپاي، قالىپقا كەلتىرمەي ونى ساتۋ وتە قيىن. وعان ءبىرشاما ۋاقىت كەتەدى»، - دەپ اتاپ ءوتتى ق ر ۇلتتىق ەكونوميكا ءمينيسترى تيمۋر سۇلەيمەنوۆ ۇكىمەت وتىرىسىنان كەيىن وتكىزىلگەن باسپا ءسوز ءماسليحاتىندا.
ونىڭ ايتۋىنشا، مەملەكەتتىڭ مەنشىگىندەگى قاجەتسىز اكتيۆتەردى ساتىلىمعا شىعارۋ ارقىلى ەل بيۋدجەتى اقشاعا تولىپ قانا قويماي، بيزنەسكە ەكونوميكالىق كەڭىستىك اياسىن كەڭەيتۋگە جول اشىلادى. قورىتىندى سوما، ءمينيستردىڭ ايتۋىنشا، نەگىزگى ستراتەگيالىق اكتيۆتەردىڭ وتكىزىلگەن باعاسىنا بايلانىستى بولماق. «قازمۇنايگاز»، «قازاتومونەركاسىپ»، «قازاقستان تەمىر جولى» ۇلتتىق كومپانيالارىنىڭ بەلىگىلى ءبىر اكسيا كولەمدەرى ساۋداعا شىعارىلادى.
ولار IPO ارقىلى وتكىزىلمەك. سوندىقتان ولاردان قانشا قاراجات تۇسەتىنىن بولجاۋ قيىن. ولار 2018-20 -جىلدارى ساۋداعا شىعادى»، - دەدى تيمۋر سۇلەيمەنوۆ.
ق ر ۇلتتىق ەكونوميكا ءمينيسترى سۇرانىسى تومەن اكتيۆتەرگە دە توقتالدى. «ولاردى ساتۋ ءۇش ساتىدا جۇرەدى: ءبىرىنشىسى: نارىقتىق باعا بار، اۋكسيون باستالادى، كىم جوعارى باعا ۇسىنسا، سول جەڭەدى. ەگەر ول ساتىلماسا، ەكىنشى كەزەڭ قوسىلادى: باعا نارىقتىق قۇنىنان 50 پايىزعا دەيىن تومەندەتىلەدى. ءۇشىنشى كەزەڭدە، نىسان قۇقىن وعان بىرەۋ ءوز باعاسىن ۇسىنبايىنشا تومەندەتىلە بەرەدى. ەگەر ول كەزدە دە ساتىلمايتىن بولسا، كەيبىر نىساندار جويىلادى. ياعني مەملەكەتكە ءتيىمسىز، پايداسى جوق نىساندار جابىلادى»، - دەدى ول.
اۆتور: جاسۇلان جولدىبايەۆ
