اتىراۋ وبلىسىندا اسا اۋىر قىلمىستاردىڭ اشىلۋى 100 پايىزدى قۇرادى

مينيسترلىك باسپا ءسوز قىزمەتىنىڭ اقپاراتىنا قاراعاندا، جيىندا ايماقتاعى پوليتسيانىڭ جەدەل قىزمەتىنىڭ قورىتىندىسى جانە ىشكى ىستەر ورگاندارىنىڭ كەلەشەكتەگى باسىم مىندەتتەرى تۋرالى ماسەلە قارادى.
وندا اتىراۋ وبلىستىق ءى ءى د باستىعى، پوليتسيا پولكوۆنيگى ايان دۇيسەمبايەۆ وڭىردەگى جەدەل احۋالعا توقتالدى.
دەپارتامەنت باسشىسىنىڭ ايتۋىنشا، اتىراۋ وبلىس اۋماعىنداعى جەدەل جاعداي تۇراقتى. قىلمىستىق قۇقىق بۇزۋشىلىقتار، اۋىر جانە اسا اۋىر قىلمىستار، سونداي- اق، زورلاۋ، توناۋ، الاياقتىق، بۇزاقىلىق، مال ۇرلىعى جانە اۆتوكولىكتەردى زاڭسىز ايداپ اكەتۋ قىلمىستارىنىڭ سانى تومەندەگەن. سونىمەن قاتار، قوعامدىق ورىندار مەن كوشەلەردە جانە قارۋدى قولدانۋمەن جاسالعان قىلمىس سانى دا ازايدى. قابىلدانعان جەدەل الدىن الۋ شارالاردىڭ ناتيجەسىندە قىلمىستاردىڭ اشىلۋ دەڭگەيى كوتەرىلدى. اسا اۋىر، ادام ءولتىرۋ، زورلاۋ، مال ۇرلىعىنىڭ اۋىر ءتۇرى جانە اۆتوكولىكتەردى زاڭسىز ايداپ اكەتۋ قىلمىستارىنىڭ اشىلۋى 100 پايىزدى قۇرادى. جالپى 2016 -جىلى جول- كولىك وقيعاسى 18,8 پايىزعا تومەندەدى. جول اپاتىنان 79 ادام قازا تاپتى. وتكەن جىلى 70 ادام مەرت بولعان ەدى. جول اپاتىنان جاراقات العاندار سانى دا 12,5 پايىزعا ازايدى. رەسپۋبليكالىق ماڭىزى بار جولداردا دا ورىن العان جول اپاتى 23,6, قازا تاپقاندار 27,9, جاراقات العاندار 13,3 پايىزعا تومەندەدى.
دۇيسەمبايەۆ وبلىستاعى كريمينوگەندىك احۋالدىڭ تۇراقتىلىعىنا پوليتسيا قىزمەتىنىڭ ماتەريالدىق- تەحنيكالىق بازاسىن كۇشەيتۋ دە ىقپال ەتەتىندىگىن اتاپ ءوتتى. اعىمداعى جىلى وبلىس اكىمىنىڭ قولداۋىمەن ءى ءى د- ءنىڭ جاڭا عيماراتىن سالۋعا جەرگىلىكتى بيۋدجەتتەن 5,73 ميلليارد تەڭگە، قۇرمانعازى ا ءى ءى ب- نە جانە قۇلسارى قالاسىنا جەدەل باسقارۋ ورتالىعىن سالۋعا، سونىمەن قاتار، رەسپۋبليكالىق جانە وبلىستىق ماڭىزى بار جولداردا 5 ستاتسيونارلىق پوليتسيا تىرەگىن سالۋعا، ەرەكشە قۇرالداردى الۋعا جانە جەرگىلىكتى پوليتسيا قىزمەتىنىڭ ماتەريالدىق بازاسىن نىعايتۋعا قاراجات ءبولىندى. جينالىستا ءى ءى د باستىعىنىڭ ورىنباسارلارى، قالا، اۋدان ءى ءى ب باسشىلارىنىڭ دا باياندامالارى تىڭدالدى.
جەدەل جيىندا ب. بيسەنقۇلوۆ جەكە قۇرامعا ەلباسى ن. نازاربايەۆتىڭ ءى ءى م- دە ىسكە اسىرىلۋى ءتيىس شارالارى تۋرالى تاپسىرماسىن اتاپ ءوتىپ، وبلىستىڭ ءى ءى د باسشىلىعى مەن ونىڭ اۋماقتىق بولىنىستەرىنە ىشكى ىستەر ورگاندارىنىڭ قىزمەتىنىڭ بارلىق باعىتى بويىنشا ناقتى مىندەتتەر، سونىڭ ىشىندە قوعامدىق ءتارتىپتى قورعاۋ، قىلمىس پەن قۇقىق بۇزۋشىلىقتاردى انىقتاۋ، اشۋ جانە تەرگەۋ، ونىڭ الدىن الۋ، جەكە قۇرامنىڭ ءتارتىبىن كۇشەيتۋ شارالارى بويىنشا تاپسىرمالار بەردى.
«پوليتسيا قىزمەتىندەگى نەگىزگى باعىت - ازاماتتاردى قىلمىستىق ارەكەتتەردەن سەنىمدى تۇردە قورعاۋ جانە قۇقىقتىق ءتارتىپتى جوعارى دەڭگەيگە كوتەرۋ»، - دەپ اتاپ كورسەتتى بيسەنقۇلوۆ.
سونىمەن قاتار ءمينيستردىڭ ورىنباسارى ايماقتاعى ۇرلىققا قارسى ءىس- قيمىل، ۇيىمداسقان قىلمىسقا قارسى كۇرەستى جانداندىرۋ، قوعامدىق ورىندار مەن كوشەلەردەگى ءتارتىپتى كۇشەيتۋ قاجەتتىگىنە باسا نازار اۋداردى. راقىمشىلىققا بايلانىستى جازاسىن وتەۋدەن بوساتىلعانداردى وقىتۋ مەن جۇمىسقا ورنالاستىرۋ ماسەلەلەرىنە دە باسا نازار اۋدارۋ قاجەتتىگىن ەسكەرتتى.
اۆتور: مارلان جيەمباي