09:35, 24 - جەلتوقسان 2016 | GMT +5
اسا قاۋىپتى ەبولا ىندەتىنە قارسى ۆاكسينا اسەرى 100 پايىز وڭ ناتيجە بەردى
استانا. قازاقپارات - ادامزات بالاسى ءۇشىن اسا قاۋىپتى ەبولا ىندەتىنە قارسى سىناقتان وتكەن ۆاكسينانىڭ ناتيجەسى 100 پايىز ءساتتى شىقتى.
بۇل تۋرالى دۇنيەجۇزىلىك دەنساۋلىق ساقتاۋ ۇيىمى مالىمدەدى، دەپ جازادى «حابار 24».
ەكپە اۋرۋ وتە كوپ تاراعان ءۇش ەلدىڭ ءبىرى سانالاتىن گۆينەيانىڭ 6 مىڭعا جۋىق تۇرعىنىنا سالىنعان. سىناق قورىتىندىسى بويىنشا، ولاردىڭ بىردە- بىرىنەن ىندەت بەلگىلەرى تابىلمادى. ال ەكپە سالىنباعانداردىڭ اراسىنان 23 ادام ۆيرۋستى جۇقتىرعانى بەلگىلى بولدى. ەبولا ىندەتىنە قارسى ۆاكسينانى كانادانىڭ دەنساۋلىق ساقتاۋ مينيسترلىگى ويلاپ تاپقان.
ايتا كەتكەن ءجون، ەبولا ىندەتىن جۇقتىرعاندار اسىرەسە باتىس افريكا ەلدەرىندە ءجيى كەزدەسەدى. 2013 پەن 2016 جالدار ارالىعىندا وسى دەرت كەسىرىنەن 11 مىڭنان استام ادام قازا تاپتى.
