بەرليندە تەراكت جاساعان انيس امري ءۇشىن 100 مىڭ ەۋرو تىگىلدى
«ەگەر ىزدەۋدە جۇرگەندى كورگەن بولساڭىز، پوليتسياعا حابارلاسىڭىز. ءبىراق قاتەرگە ۇشىراپ قالماڭىز، سەبەبى ول قاۋىپتى ءارى قارۋلانعان بولۋى مۇمكىن»، - دەلىنگەن پروكۋراتۋرا تاراتقان مالىمدەمەدە.
پروكۋراتۋرا امريدىڭ جاسىرىنعان جەرىن نۇسقاعان ادامعا 100 مىڭ ەۋرو كولەمىندە سىياقى بەرۋگە ۋادە ەتتى. ەل بيلىگىنىڭ مالىمەتىنشە، انيس امري گەرمانياعا 2015 -جىلدىڭ ماۋسىمىندا بوسقىن مارتەبەسىن سۇراپ كەلگەندە ونىڭ ءوتىنىشى قابىل الىنباعان. ءبىراق كۇدىكتى تۋنيسكە قايتا ورالماعان، سەبەبى وزىمەن بىرگە تۇلعاسىن راستايتىن قۇجاتتارى بولماعان.
ەسكە سالايىق، دۇيسەنبى كۇنى كەشكە جۇك كولىگى بەرلين ورتالىعىنداعى روجدەستۆولىق جارمەڭكەگە جينالعان قالىڭ جۇرتتىڭ ورتاسىمەن ءجۇرىپ وتكەن بولاتىن. 12 ادام قازا بولىپ، 48 ى جاراقاتتاندى. «يسلام مەملەكەتى» لاڭكەستىك توبى بولعان وقيعانى ءوز موينىنا الدى.
